Uelsli ýyldyz futbolçy Garet Beýl 7 möwsümden soň, ozalky kluby “Tottenhama” dolandy. Ol londonlylar bilen 1 ýyllyk kärendesine şertnama baglaşdy. London şäheriniň wekili Beýliň kärendesi üçin “Real Madride” 20 million funt sterling tölär. 2013-2014 möwsüminiň başynda rekord baha, 101 million ýewro “Real Madride” transfer bolan 31 ýaşly Beýl bu klubda 251 oýunda 105 gol geçirdi. Ol “Realyň” düzüminde 9 kubok gazandy. Möwsümiň ahyrynda “Tottenham” Garet Beýli ymykly ýagdaýda transfer hem edip biler. Beýl täze toparynda 9-njy belgili köýnekçäni geýer.
Şeýle-de “Tottenhem” “Real Madridden” ýene bir oýunçy – çep gyraky goragçy Serhio Reguilony hem transfer etdi. “Tottenham” Reguilonyň transferi üçin “Reala” 30 million ýewro berer. 23 ýaşly oýunçy londonlylar bilen 5 ýyllyk şertnama baglaşdy.
