Türkmenistanyň Kubogy ýaryşynyň finalynda “Altyn asyr” bilen “Köpetdag” toparlary duşuşdy. Paýtagtymyzda “Aşgabat” stadionynda oýnalan duşuşyk çekeleşikli ýagdaýda geçdi. Oýnuň 12-nji minutynda “Köpetdag” topary hasaby açdy. Bu goly 12-nji minutda Şiri Annaýew penaltiden derwezä girizdi. Duşuşygyň 1-nji ýarymy şol hasap bilenem tamamlandy. 2-nji ýarymda tijenen “Altyn asyr” 69-njy minutda Zafar Babajanowyň goly bilen hasaby deňledi. Duşuşygyň esasy wagty 1-1 deňlikde tamamlandy. Goşmaça wagtda hasaby üýtgetmek toparlara başartmady. Oýnuň 106-njy minutynda “Altyn asyryň” goragçysy Zafar Babajanow gyzyl kart alyp, meýdançadan çykaryldy.
Oýundan soňky penalti urgularynda “Köpetdag” toparynyň oýunçylarynyň ýeke biri hem dürs urup bilmedi. 3 urguny takyk uran “Altyn asyr” bassyr 2-nji, umumylykda-da 5-nji gezek Türkmenistanyň Kubogyna mynasyp boldy. “Altyn asyr” mundan öň 2009-njy, 2015-nji, 2016-njy hem-de 2019-njy ýyllarda Türkmenistanyň Kubogyny eýeläpdi.
“Altyn Asyr” – “Köpetdag”: 1–1 (g.w.), 3–0 (p)
Zafar Babajanow 69 – Şiri Annaýew 12 p
Oýundan soňky penalti urgulary:
[x] Serdar Baýramow (“Köpetdag”) – 0:0
[v] Berdimyrat Rejepow (“Altyn Asyr”) – 1:0
[x] Ibragim Mämmedow (“Köpetdag”) – 1:0
[v] Mekan Saparow (“Altyn Asyr”) – 2:0
[x] Meýlis Diniýew (“Köpetdag”) – 2:0
[v] Resul Hojaýew (“Altyn Asyr”) – 3:0
