«Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» ýy­lyn­da ýur­du­myz gün­sa­ýyn gül­läp ös­ýär we döw­let­li iş­ler dur­mu­şa ge­çi­ril­ýär. Biz hem Da­şo­guz we­la­ýa­ty­nyň Gö­rog­ly et­ra­by­nyň 3-nji ça­ga­lar we ýet­gin­jek­ler sport mek­de­bi­niň iş­gär­le­ri bo­lup bu ösüş­le­re öz go­şan­dy­my­zy goş­ýa­rys. Mek­de­bi­miz­de spor­tuň dür­li gör­nüş­le­ri bo­ýun­ça okuw sa­pak­la­ry, şeý­le-de tür­gen­le­şik­ler yzy­gi­der­li ge­çi­ril­ýär. On­dan baş­ga-da, tä­lim­çi mu­gal­lym­lar bi­len bi­le­lik­de be­den­ter­bi­ýä­niň we spor­tuň dür­li gör­nüş­le­ri­niň ge­lip çy­ky­şy hem-de türk­men spor­tu­nyň gül­läp ösüş aý­ra­tyn­lyk­la­ry ba­ra­da usu­ly okuw­lar al­nyp ba­ryl­ýar. Ýur­du­my­zyň äh­li kün­jek­le­rin­de beý­le­ki des­ga­lar bi­len bir ha­tar­da, sport mek­dep­le­ri, sport top­lum­la­ry dün­ýä ül­ňü­le­ri­ne la­ýyk de­re­je­de gur­lup ulan­ma­ga be­ril­ýär. Sport des­ga­la­ry­nyň dö­re­ýiş ta­ry­hy öz göz­ba­şy­ny ga­dy­my dö­wür­ler­den alyp gaýd­ýar.
Ar­heo­lo­gik göz­leg­le­riň netijesinde ilkinji sport des­ga­la­ry­nyň daş asy­ry­nda peýda bolandygy anyk­la­n­dy. Olar Hin­dis­ta­nyň, Mü­sü­riň, Or­ta Azi­ýa­nyň hem-de Gü­nor­ta Ame­ri­ka­nyň çäk­le­rin­den ta­pyl­dy. Egeý taý­pa­la­ry­nyň me­de­ni­ýe­ti b.e.öň üç müň, bir müň iki ýüz ýyl ozal Or­ta­ýer deň­zi­niň tö­we­rek­le­rin­de be­den­ter­bi­ýä­niň ýaý­ran­dy­gy­na şa­ýat­lyk ed­ýär. Ol ýer­de gap-gaç­la­ryň ýü­zü­ne çe­ki­len türgenleriň, ökü­ziň üs­tün­den bö­kül­ýän pur­sat­la­ryň şe­kil­le­ri ýü­ze çy­ka­ryl­dy. Ga­dy­my Krit ada­sy­nyň Knoss şä­he­rin­de be­den­ter­bi­ýe maşk­la­ryny ýerine ýetirmek üçin ýö­ri­te otag­lar bo­lup­dyr.
Ta­ryh­dan göz­baş alan bi­na­gär­lik sun­ga­ty hä­zir­ki wagt­da ýur­du­myz­da mil­li öwüş­gin­de döw­re­bap äheň­de do­wam et­di­ril­ýär. Paý­tag­ty­myz Aş­ga­bat­da se­bit­de de­ňi-ta­ýy bol­ma­dyk Olim­pi­ýa şä­her­çesi, Golf sport top­lu­my, «Awa­za» mil­li sy­ýa­hat­çy­lyk zo­la­gyn­da köp ugur­ly döw­re­bap sport top­lu­my we beý­le­ki sport des­ga­la­ry gur­lup ulan­ma­ga be­ril­di. We­la­ýat­lar­da, et­rap­lar­da, oba­lar­da dür­li ýaş­ly ra­ýat­lar üçin sport des­ga­la­ry­nyň ulan­ma­ga be­ril­me­gi mu­ňa aý­dyň my­sal­dyr. Bu des­ga­lar spor­tuň has-da ös­me­ginde, berk be­den­li, sag­dyn ne­sil­le­riň ke­ma­la gel­me­gin­de uly äh­mi­ýe­te eýe­dir.
Hormatly Prezidentimiz spor­tuň dür­li gör­nüş­le­ri bi­len meş­gul­lan­mak we sag­dyn dur­muş ýö­rel­ge­si­ni wa­gyz et­mek ba­ba­tyn­da hem­me­ler üçin gö­rel­de mek­de­bi­dir. Ýur­du­myz­da sport des­ga­la­ry­nyň sa­ny­nyň art­ma­gy ösüp gel­ýän ýaş ne­sil­le­riň spor­tuň dür­li gör­nüş­le­ri bi­len meş­gul­lan­ma­gyna, olar­da dö­re­dil­ýän şert­ler bol­sa tür­gen­le­ri­mi­ziň tür­gen­le­şik­le­ri­ni yzy­gi­der­li alyp bar­mak­la­ry­na müm­kin­çi­lik ber­ýär. Bu ala­da­la­ryň ne­ti­je­sin­de tür­gen­le­ri­miz gel­jek­de-de Wa­ta­ny­my­zyň ab­ra­ýy­na my­na­syp go­şant go­şup, dün­ýä de­re­je­sin­däki ýa­ryş­lar­da üs­tün­lik ga­za­nyp, tu­gu­my­zy be­lent­de par­lat­ma­ga ruh­lan­ýar­lar.

Sol­tan­bi­bi SA­RY­BA­ÝE­WA,
Da­şo­guz we­la­ýa­ty­nyň Gö­rog­ly et­ra­by­nyň 3-nji ça­ga­lar we ýet­gin­jek­ler sport mek­de­bi­niň usu­ly­ýet­çi­si.

Gyzykly bolup bilerЕЩЕ ОТ АВТОРА