FIFA-nyň prezidenti Janni Infantino klublar arasy geçirilýän Dünýä Kubogynyň täzeçe görnüşde boljakdygyny aýdyp, onuň geçiriliş tertibiniň, ýagny formatynyň üýtgediljekdigini habar berdi. Futbolyň hojaýny şol bir wagtyň özünde ýaryşa gatnaşýan klublaryň sanynyň hem artjakdygyny aýtdy. Ol: “Bu ýaryş Dünýä Kubogynyň täze görnüşi bolar. 2025-nji ýyldan başlap 32 klub gatnaşar. Bu bäsleşik milli ýygyndylaryň arasyndaky Dünýä Kubogyna meňzeş bolar” diýip, beýanat berdi. Ol ýaryş baradaky jikme-jik maglumatlaryň öňümizdäki aýlarda has-da anyk kesgitlenjekdigini belläp geçdi. Häzirki wagtda Klublar arasy Dünýä Kubogyna 7 klub gatnaşýar.
