Soňky ýyllarda Türkmenistan bilen Birleşen Arap Emirlikleriniň arasyndaky hyzmatdaşlyk gatnaşyklary yzygiderli ösdürilýär. Hormatly Prezidentimiziň geçen ýylyň 21-22-nji noýabrynda, türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň şu ýylyň 11-12-nji fewralynda bu ýurda bolan resmi saparlary we onuň çäklerinde geçirilen ýokary derejedäki türkmen-emirlikler gepleşikleri, gol çekilen resminamalaryň uly toplumy iki döwletiň däp bolan dostluk we ynanyşmak gatnaşyklaryny ösdürmäge, özara bähbitli, deňhukukly hyzmatdaşlygy giňeltmäge kuwwatly itergi berdi.

Ýa­kyn Gün­do­ga­ryň yk­dy­sa­dy taý­dan kuw­wat­ly we ösen ýurt­la­ry­nyň bi­ri bo­lan Bir­le­şen Arap Emir­lik­le­ri bi­len köp­ta­rap­la­ýyn gat­na­şyk­la­ry ös­dür­mek hormatly Prezidentimiziň baş­tu­tan­ly­gyn­da dur­mu­şa ge­çi­ril­ýän da­şa­ry sy­ýa­sat stra­te­gi­ýa­sy­nyň ile­ri tu­tul­ýan ugur­la­ry­nyň bi­ri­dir.
Iki ýur­duň ara­syn­da­ky hyz­mat­daş­ly­gyň mö­hüm ugur­la­ry­nyň bi­ri – ulag we lo­gis­ti­ka ul­ga­my­dyr. Gahryman Arkadagymyzyň ama­la aşy­ran sa­pa­ry­nyň çäk­le­rin­de ka­bul edi­len bi­le­lik­dä­ki Jar­na­ma­da ulag ul­ga­myn­da­ky hyz­mat­daş­ly­ga hem aý­ra­tyn äh­mi­ýet be­ril­di. Şol Jar­na­ma­da iki döw­le­tiň ulag-lo­gis­ti­ka ba­bat­da­ky uly müm­kin­çi­lik­le­ri­ni na­za­ra alyp, ulag ul­ga­myn­da hyz­mat­daş­ly­gy ös­dür­me­giň aý­ra­tyn äh­mi­ýe­ti bel­le­nil­di. Şeý­le hem ulag ul­ga­myn­da hyz­mat­daş­ly­gy gi­ňelt­mek hem-de iki döw­le­tiň üs­ta­şyr müm­kin­çi­lik­le­ri­ni ne­ti­je­li peý­da­lan­mak mak­sa­dy bi­len, ta­rap­lar Ha­zar we Ýa­kyn Gün­do­gar se­bit­le­ri­niň ara­syn­da­ky ugur bo­ýun­ça ama­la aşy­ryl­ýan mul­ti­mo­dal ýük da­şa­ma­la­ry­ny art­dyr­ma­gy mak­sat edin­ýär.

Mä­lim bol­şy ýa­ly, Türk­me­nis­ta­nyň Mi­nistr­ler Ka­bi­ne­ti­niň ýa­nyn­da­ky Ulag we kom­mu­ni­ka­si­ýa­lar agent­li­gi bi­len «AD Ports Group» kom­pa­ni­ýa­sy­nyň ara­syn­da gol çe­ki­len öza­ra dü­şü­niş­mek ha­kyn­da Äht­na­ma­ny dur­mu­şa ge­çir­me­giň çäk­le­rin­de por­ty do­lan­dyr­mak, lo­gis­ti­ka­ny ös­dür­mek we de­ňiz ula­gy pu­da­gyn­da hyz­mat­daş­ly­gy ýo­la goý­mak, şeý­le-de ýur­du­my­zyň ulag pu­da­gy­na san­ly ul­ga­my or­naş­dyr­mak ýa­ly ugur­lar­da hyz­mat­daş­lyk ös­dü­ril­ýär.
Türk­men­ba­şy Hal­ka­ra de­ňiz por­ty özü­niň hä­zir­ki de­re­je­sin­de Gün­do­gar-Gün­ba­tar we De­mir­ga­zyk-Gü­nor­ta ugur­la­ry bo­ýun­ça hal­ka­ra äh­mi­ýet­li iri ulag mer­kez­le­ri­niň bi­ri bo­lup dur­ýar. Ol Bir­le­şen Arap Emir­lik­le­ri­niň çäk­le­rin­dä­ki port­lar bi­len lo­gis­tik bag­la­ny­şy­gy ýo­la goý­ma­gyň mak­sat­la­ry­na do­ly la­ýyk gel­ýär. Mu­nuň özi port­la­ry do­lan­dyr­mak we lo­gis­tik hyz­mat­la­ry ama­la aşyr­mak ul­ga­myn­da ýö­ri­te­le­şen kom­pa­ni­ýa­lar üçin bäh­bit­li tas­la­ma bo­lup bi­ler.
Tä­ze ta­ry­hy eý­ýam­da döw­le­ti­mi­ziň yk­ly­müs­ti ulag ge­çel­ge­le­ri­niň çat­ry­gy hök­mün­dä­ki de­re­je­si has-da ýo­kar­lan­dy. Soň­ky ýyl­lar­da aw­to­mo­bil ýol­la­ry­nyň mil­li ul­ga­my gi­ňel­di. Hal­ka­ra ulag gat­naw­la­ry­nyň iş­jeň­leş­di­ril­me­gi ýur­du­my­zyň se­bit­le­ri­niň ösüş dep­gi­ni­ne kuw­wat­ly iter­gi ber­di.
Bu pu­da­gyň dü­zü­mi yzy­gi­der­li kä­mil­leş­di­ril­ýär, Türk­me­nis­ta­ny goň­şy ýurt­lar bi­len bag­la­nyş­dyr­ýan tä­ze ho­wa men­zil­le­ri we köp­rü­ler gu­rul­ýar, po­lat ýol­lar, aw­to­ban­lar çe­kil­ýär. Ulag ul­ga­my­nyň üs­ti hä­zir­ki za­man teh­ni­ka­la­ry bi­len yzy­gi­der­li ýe­ti­ril­ýär.
Hä­zir­ki dö­wür­de ýur­du­my­zyň aw­to­mo­bil, de­mir ýol, ho­wa we de­ňiz ýol­la­ry dü­züm­le­ri mil­li yk­dy­sa­dy­ýe­ti­mi­zi ös­dür­mek, onuň eks­port müm­kin­çi­lik­le­ri­ni ama­la aşyr­mak, hal­ka­ra gat­na­şyk­la­ry iş­jeň­leş­dir­mek üçin ze­rur bo­lan dur­muş-yk­dy­sa­dy şert­le­riň dö­re­dil­me­gi­ni üp­jün ed­ýär.
Türk­me­nis­tan özü­niň tiz ös­ýän üs­ta­şyr-ulag ge­çel­ge ar­tyk­maç­ly­gy­ny, şol san­da ho­wa ýol­la­ryn­da di­ňe bir se­bi­tiň ýurt­la­ry­nyň däl, eý­sem, yk­ly­ma­ra möç­ber­ler­de hem yk­dy­sa­dy bäh­bit­ler­de he­re­ke­te ge­tir­me­giň müm­kin­çi­li­gin­den ugur al­ýar. Ho­wa men­zil­le­ri­niň hä­zir­ki za­man ul­ga­my­nyň dö­re­dil­me­gi ýur­du­my­zyň mun­dan beý­läk­ki yk­dy­sa­dy ösü­şi­niň hem-de onuň dün­ýä yk­dy­sa­dy­ýe­ti­ne ýa­kyn­laş­ma­gy­nyň, hal­ka­ra söw­da gat­na­şyk­la­ry­nyň gi­ňel­dil­me­gi­niň we iş­jeň­leş­di­ril­me­gi­niň mö­hüm şer­ti bo­lup dur­ýar.
Hor­mat­ly Pre­zi­den­ti­mi­ziň ge­çen ýy­lyň 21-22-nji no­ýab­ryn­da Bir­le­şen Arap Emir­lik­le­ri­ne bo­lan res­mi sa­pa­ry­nyň bar­şyn­da BAE-niň Pre­zi­den­ti Şeýh Mo­ham­med bin Za­ýed Al Na­haý­ýan bi­len ge­çi­ri­len gep­le­şik­ler­de ulag-lo­gis­ti­ka ul­ga­my­na hyz­mat­daş­ly­gyň stra­te­gik ug­ry hök­mün­de ga­ral­ýan­dy­gy, bu ugur­da iki ýur­duň port dü­züm­le­ri­ni he­re­ke­te ge­tir­mek bi­len ut­ga­şyk­ly ulag ge­çel­ge­le­ri­ni ke­ma­la ge­tir­mek bo­ýun­ça tas­la­ma­la­ry dur­mu­şa ge­çir­mek üçin uly müm­kin­çi­lik­le­riň bar­dy­gy aý­ra­tyn nyg­tal­dy. Ýo­ka­ry de­re­je­dä­ki gep­le­şik­le­riň jem­le­ri bo­ýun­ça Türk­me­nis­ta­nyň we Bir­le­şen Arap Emir­lik­le­ri­niň Bi­le­lik­dä­ki Be­ýan­na­ma­sy ka­bul edil­di. On­da ta­rap­la­ryň iki­ta­rap­la­ýyn yk­dy­sa­dy hyz­mat­daş­ly­gy iş­jeň­leş­dir­mek­de ulag gat­naw­la­ry­nyň mö­hüm äh­mi­ýe­te eýe­di­gi­ni nyg­tan­dyk­la­ry bel­le­nil­ýär hem-de Türk­me­nis­ta­nyň we Bir­le­şen Arap Emir­lik­le­ri­niň hal­ka­ra port­la­ry­nyň hyz­mat­daş­ly­gy­nyň ze­rur­dy­gy aý­dyl­ýar.
Hor­mat­ly Pre­zi­den­ti­miz ulag ul­ga­myn­da hyz­mat­daş­ly­gy ös­dür­mek üçin uly müm­kin­çi­lik­le­riň bar­dy­gy­na Abu-Da­bi şä­he­rin­de res­mi sa­pa­ryň ikin­ji gü­nün­de ge­çi­ri­len «Türk­me­nis­tan – BAE» işe­wür­lik mas­la­ha­ty­nyň açy­lyş da­ba­ra­syn­da­ky çy­ky­şyn­da ün­si çek­di. Döwlet Baştutanymyzyň bel­leý­şi ýa­ly, soň­ky ýyl­lar­da ýur­du­myz­da kö­pu­gur­ly ulag ul­ga­my­ny ke­ma­la ge­tir­mek bo­ýun­ça giň möç­ber­li iş­ler ge­çi­ril­ýär, hu­su­san-da de­ňiz ulag dü­zü­mi gi­ňel­dil­ýär, tä­ze aw­to­mo­bil, ho­wa we de­mir ýol ulag mer­kez­le­ri hem-de ge­çel­ge­le­ri gu­rul­ýar.

Gül­näz BA­BA­GU­LY­ÝE­WA,
Türk­me­nis­ta­nyň In­že­ner-teh­ni­ki we ulag kom­mu­ni­ka­si­ýa­la­ry ins­ti­tu­ty­nyň ta­ly­by.

Gyzykly bolup bilerЕЩЕ ОТ АВТОРА