“Tesla” kompaniýasy Nýu-Ýorkuň Buffalo şäherindäki Gigafactory klasterinde Dojo superkompýuterlerinden birini gurmak üçin 500 million dollar maýa goýmakçy. Kpmpaniýa bu taslama üçin ýer saýlanda köp sanly zehinli hünärmenleriň we taslama üçin elýeterli ýeriň bolmagyndan ugur aldy.
Häzirki wagtda “Tesla”-nyň Nýu-Ýorkdaky bu kärhanasy Gün panellerini, Gün üçeklerini we elektrik böleklerini öndürýär. Şeýle hem, kompaniýada awtonom awtoulaglar hakyndaky maglumatlary seljermäge ýöriteleşen işgärler topary bar.
“Dojo” superkompýuteriniň, emeli aňy okatmaga ýardam etjek, ulagyň datçiklerinden alnan köp mukdardaky maglumatlary gaýtadan işlemegine garaşylýar. “Tesla”-nyň FSD Beta ulgamyndan başga-da, dünýäniň iň güýçli hasaplaýyş toparlaryndan biri bolan “Dojo”, başga-da köp ulanyp boljak ýagdaýlara eýe bolar.
