UEFA Çempionlar Ligasynda 1/8 finalyň duşuşyklaryna badalga berlip, tapgyryň merkezi duşuşygynda, Madrid derbisinde “Real” öz meýdançasynda “Atletikony” 2-1 hasabynda ýeňdi. 4-nji minutda Rodrigonyň ajaýyp goly bilen öňe geçen “Reala” 32-nji minutda Hulian Alwares ondanam owadan gol bilen jogap berdi. 2-nji ýarymyň başlarynda, has takygy, 55-nji minutda Braim Diaz 3-4 futbolçyny aldap, topy derwezä girizdi. Şunlukda, 1-nji duşuşykda “Real Madrid” 2-1 hasabynda ýeňiş gazanyp, çärýek finalyň bosagasyndan ilkinji ädimi ätdi.

Jogap duşuşygy 12-nji martda “Atletikonyň” meýdançasynda oýnalar.

Gyzykly bolup bilerЕЩЕ ОТ АВТОРА