“Milan” PSŽ-niň ýyldyzyny rekord baha transfer etdi

Tälimçilige portugaliýaly Ruben Amorimi bellän Italiýanyň “Milan” topary tomusdaky ilkinji uly transferini mälim etdi. Italýan kluby Fransiýanyň PSŽ toparyndan portugaliýaly hüjümçi Gonsalu Ramuşy düzümine goşdy. Italýan kluby 25 ýaşyndaky hüjümçi üçin fransuz klubuna goşmaçalardan daşgary 74 million ýewro berer. Ramuş “Milanyň” taryhyndaky iň gymmat transfer hökmünde hasaba alyndy. 5 ýyllyk şertnama baglaşan Ramuş “Milanda” 9-njy belgide oýnar.

Karýerasyna “Benfikada” başlan Ramuş lissabonlylaryň düzüminde 106 oýunda 41 gol geçirdi. 2023-nji ýylda PSŽ-niň düzümine goşulan (ilki 1 ýyllyk kärendesine oýnady) Ramuş bu toparda 3 möwsüm çykyş etdi. Soňky 2 möwsümde köplenç ätiýaçdan oýna girse-de, jemi 131 oýunda 45 goly öz adyna ýazdyrdy.

Ramuş Portugaliýanyň milli ýygyndysynda 26 oýunda meýdança çykyp, şolarda 10 gezek tapawutlandy.