Şu ýy­lyň 5-9-njy ap­re­li ara­ly­gyn­da Öz­be­gis­tan Res­pub­li­ka­sy­nyň paý­tag­ty Daş­kent şä­he­rin­de Par­la­men­ta­ra Bi­le­le­şi­giň 150-nji ýu­bi­leý As­samb­le­ýa­sy ge­çi­ril­di. Par­la­men­ta­ra Bi­le­le­şi­gi dün­ýä­niň köp san­ly ýur­du­nyň par­la­ment­le­ri­ni bir ýer­de jem­le­ýän hal­ka­ra bi­le­le­şik bo­lup dur­ýar. Bu bi­le­le­şi­giň no­bat­da­ky as­sam­ble­ýa­sy­na 190 döw­let­iň hem-de 25-den gow­rak hal­ka­ra we par­la­men­ta­ra gu­ra­ma­la­ryň we­ki­li­ýet­le­ri gat­naş­dy. Şeý­le iri par­la­ment mas­la­hat­la­ryna ýur­du­my­zyň we­ki­li­ýe­ti­niň gat­naş­ma­gy döw­le­ti­mi­ziň dö­re­di­ji­lik­li baş­lan­gyç­la­ry­nyň giň­den wa­gyz edil­me­ginde uly äh­mi­ýe­te eýe­dir.
9-njy ap­re­le çen­li do­wam eden bu hal­ka­ra fo­rumyň çäklerinde 90-a go­laý çä­re­ we pi­kir alyş­ma­lar ge­çi­ri­lip, on­da dur­muş ösü­şin­de par­la­men­tiň iş­jeň or­nu­ny art­dyr­mak hem-de gi­ňelt­mek ba­bat­da pi­kir al­şyl­dy. Mas­la­hat­da Dur­nuk­ly ösüş mak­sat­la­ry­nyň ýö­rel­ge­sin­den ugur al­nyp, hor­mat­ly Pre­zi­den­ti­mi­ziň hem-de Gah­ry­man Arkadagymyzyň taý­syz ta­gal­la­la­ry ne­ti­je­sin­de ila­tyň hal-ýag­da­ýy­ny ýo­kar­lan­dyr­mak, adam sag­ly­gy­ny go­ra­mak, tä­ze iş orun­la­ry­ny dö­ret­mek, gen­der deň­li­gi­ni üp­jün et­mek, yk­dy­sa­dy­ýe­tiň ugur­la­ry­ny san­ly­laş­dyr­mak we in­no­wa­si­ýa­la­ry or­naş­dyr­mak, daş­ky gur­şa­wy go­ra­mak we ho­wa­nyň üýt­ge­me­gi­niň ne­ti­je­le­ri­ni ýe­ňil­leş­dir­mek ba­bat­da dur­mu­şa ge­çi­ril­ýän iş­ler ba­ra­da dün­ýä jem­gy­ýet­çi­li­gi­ne mag­lu­mat be­ril­di.
Üs­tü­ne alan hal­ka­ra borç­na­ma­la­ry­na üýt­gew­siz yg­rar­ly­lyk gör­kez­ýän ýur­du­myz tu­tuş se­bi­tiň we dün­ýä­niň aba­dan­çy­ly­gy­nyň bäh­bi­di­ne pa­ra­hat­çy­lyk dö­re­di­ji­lik­li baş­lan­gyç­la­ry öňe sür­ýär we ola­ryň gol­da­nyl­ma­gy­ny ga­zan­ýar, hä­zir­ki za­man gat­na­şyk­la­ry­nyň tä­ze fi­lo­so­fi­ýa­sy hök­mün­de «Dia­log­ – pa­ra­hat­çy­ly­gyň ke­pi­li» at­ly äh­lu­mu­my baş­lan­gy­jy­ny yzy­gi­der­li iler­led­ýär. Bu ugur­da par­la­ment gat­na­şyk­la­ry­na hem uly äh­mi­ýet be­ril­ýär.

Ars­lan ÝE­DI­BA­ÝEW,
Türkmen döwlet binagärlik-gurluşyk institutynyň talyby.

Gyzykly bolup bilerЕЩЕ ОТ АВТОРА