Dün­ýä ýurt­la­ry­nyň her­si­niň özü­ne mah­sus te­bi­gy gur­şa­wy we ho­wa gu­şak­ly­gy bar. Kä­bir ýurt­da bir­nä­çe ho­wa gu­şak­ly­gy (ek­wa­to­ri­al, su­bek­wa­to­ri­al, tro­pik, subt­ro­pik, aram, ark­ti­ka, su­bark­ti­ka) bar bol­sa, kä­bi­ri şol bir ho­wa gu­şak­ly­gyn­da ýer­leş­ýär. Ýurt­la­ry ho­wa şer­ti­ne gö­rä, so­wuk, ys­sy, gu­rak, ýa­gyn­ly, ýel­li ýurt­lar ýa­ly to­par­la­ra böl­mek müm­kin. Kä­bir ýurt­da hiç wagt ys­sy bol­ma­ýan bol­sa, kä­bi­rin­de ýy­lyň do­wa­myn­da ýe­ke­je ge­ze­gem gar ýag­ma­ýar. «Ys­sy ýurt­lar» ady­ny alan Pu­er­to-Ri­ko, Wa­nua­tu, Wir­gin ada­la­ry, Gu­am, Mü­sür ýa­ly ýurt­lar­da hiç wagt so­wuk bol­ma­ýar. Hat­da bu ýurt­la­ryň ýa­şaý­jy­la­ry so­wuk ho­wa di­ýen dü­şün­jä­ni ýat­dan çy­ka­ryp­dyr­lar. Ga­ze­ti­mi­ziň şu sa­nyn­da si­zi dün­ýä­dä­ki iň ys­sy ýurt­lar bi­len ta­nyş­dyr­ma­gy ma­kul bil­dik.

Pu­er­to-Ri­ko. So­wuk­da ýa­şa­ýan kä­bir adam­lar gar­syz ýurt­da ýa­şa­ma­gy ar­zuw ed­ýär­ler. Pu­er­to-Ri­ko ar­zuw­la­ryň ha­syl bol­ýan ys­sy ýurt­la­ryň bi­ri bo­lup, ýy­lyň do­wa­myn­da ýe­ke­je ge­ze­gem gar ýag­ma­ýar. Ek­wa­tor çy­zy­gy­na ýa­kyn­ly­gy se­bäp­li, Ka­rib deň­zin­de ýer­leş­ýän bu ýur­da Gün şöh­le­si dik düş­ýär. Pu­er­to-Ri­ko­da iň so­wuk aý­lar ýan­war-few­ral aý­la­ry bo­lup, ho­wa­nyň tem­pe­ra­tu­ra­sy 19-20 de­re­je­den pe­sel­me­ýär. Pu­er­to-Ri­ko­nyň mer­ke­zi şä­he­ri San-Hu­an bo­lup, El-Mor­ro ke­nar­ýa­ka ga­la­sy, San-Hu­an mil­li ta­ry­hy ýa­dy­gär­li­gi, San-Kris­to­bal ga­la­sy ýur­duň meş­hur ýer­le­ri ha­sap­lan­ýar. Tut­ýan meý­da­ny 13 müň 791 ine­dör­dül ki­lo­met­re ba­ra­bar ýur­duň 3,5 mil­li­on tö­we­re­gi ila­ty bar. Sy­ýa­hat­çy­lyk ba­bat­da ösen ýer­le­riň bi­ri ha­sap­lan­ýan Pu­er­to-Ri­ko her ýyl 5 mil­li­on­dan gow­rak sy­ýa­hat­çy bar­ýar.
Wa­nua­tu. Mag­lu­mat­la­ra gö­rä, Wa­nua­tu­nyň ta­ry­hyn­da hiç wagt gar ýag­man­dyr. 12 müň 189 ine­dör­dül ki­lo­metr meý­da­ny bo­lan bu ýurt owa­dan ke­nar­la­ry, tro­pik ho­wa­sy we iş­jeň wul­kan­la­ry bi­len meş­hur­dyr. Sy­ýa­hat­çy­lyk ba­bat­da ösen ýurt­da eke­ran­çy­lyk esa­sy or­ny eýe­läp, ka­kao we et önüm­le­ri­ni eks­port et­mek­de öň­dä­ki orun­lar­da dur­ýar. Gyş­syz ýur­da her ýyl 80 müň­den gow­rak sy­ýa­hat­çy bar­ýar. Wa­nua­tu­nyň paý­tagt şä­he­ri Port-Wi­la bo­lup, Şam­pan ke­na­ry, Müň­ýyl­lyk go­wa­gy, Ýa­sur da­gy we Ýa­sur wul­ka­ny ýur­duň meş­hur ýer­le­ri ha­sap­lan­ýar.
Wir­gin ada­la­ry. To­mus pas­ly­nyň gel­me­gi bi­len ada ýur­dun­da ho­wa­nyň gyz­gyn­ly­gy 47 de­re­jä çen­li ýet­ýär. Wir­gin ada­la­ry­nyň iň ys­sy bö­le­gi Ke­ra­mat­ly To­mas ada­sy bo­lup, bu ýer­de ho­wa­nyň or­ta­ça tem­pe­ra­tu­ra­sy 30 de­re­je­de sak­lan­ýar. Ka­rib deň­zi bi­len At­lan­tik um­ma­ny­nyň ara­çä­gin­de ýer­leş­ýän Wir­gin ada­la­ryn­da hem hiç wagt gar ýag­man­dyr. Güýz pas­ly ýurt­da ho­wa­nyň sal­kyn­la­ýan möw­sü­mi ha­sap­la­nyp, tem­pe­ra­tu­ra 27 de­re­je­den pe­se düş­me­ýär. 346 müň 36 ine­dör­dül ki­lo­metr meý­da­ny tut­ýan ada ýur­du­nyň paý­tag­ty Şar­lot­ta-Ama­li­ýa şä­he­ri bo­lup, Ma­gens aý­la­gy, Mer­jen dün­ýä um­ma­ny se­ýil­gä­hi we Trank Beý dynç alyş ke­na­ry Wir­gin ada­la­ry­nyň meş­hur ýer­le­ri ha­sap­lan­ýar.
Gu­am. Ek­wa­to­ra has ýa­kyn ýer­le­şe­ni üçin bu ýurt­da ho­wanyň tem­pe­ra­tu­ra­sy hem has ýo­ka­ry. Ýu­waş um­ma­ny­nyň ke­na­ryn­da­ky bu ýur­da hiç wagt gar ýag­man­dyr. Gu­am­da iň so­wuk ho­wa 21 de­re­je bo­lup, bu ýag­daý hem­mä­ni geň gal­dyr­ýar. Dün­ýä­niň has ys­sy ýur­dy ha­sap­lan­ýan Gua­myň tut­ýan meý­da­ny 549 ine­dör­dül ki­lo­metr bo­lup, paý­tag­ty Ha­gat­na şä­he­ri­dir. Ki­çi­jik ada ýur­du­na her ýyl 200 müň­den gow­rak sy­ýa­hat­çy bar­ýar. Tu­mon ke­na­ry, Ça­mor­ro oba­sy ada ýur­du­nyň meş­hur ýer­le­ri ha­sap­lan­ýar.
Mü­sür. Gar­da dü­şü­ri­len pi­ra­mi­da­la­ryň su­ra­ty­ny gör­me­dik bol­saňyz ge­rek. 90 gö­te­ri­mi çöl­ler bi­len gur­şa­lan gu­rak ho­wa­ly Mü­sür­de tom­su­na ho­wa­nyň gyz­gyn­ly­gy 50 de­re­je­den pe­se düş­me­ýär. De­mir­ga­zyk-Gün­do­gar Af­ri­ka ýur­du­nyň paý­tag­ty Ka­ir şä­he­ri bo­lup, Han al-Ha­li­li ba­za­ry, Gi­za pi­ra­mi­da­la­ry, Mer­ýe­miň mu­kad­des but­ha­na­sy (As­ma but­ha­na) we Uly Sfin­kis heý­ke­li ýur­duň meş­hur ýer­le­ri­dir.

Gyzykly bolup bilerЕЩЕ ОТ АВТОРА