Bag­ty­ýar hal­ky­myz tu­tuş dün­ýä jem­gy­ýet­çi­li­gi bi­len bi­le­lik­de uly ru­hu­be­lent­lik bi­len ba­ky Bi­ta­rap­ly­gy­my­zyň şan­ly 25 ýyl­lyk to­ýu­ny toý­la­dy. Çär­ýek asyr­dan gow­rak wagt­dan bä­ri he­mi­şe­lik Bi­ta­rap ýurt hök­mün­de dün­ýä­de yk­rar edi­len eziz Di­ýa­ry­myz Bir­le­şen Mil­let­ler Gu­ra­ma­sy­nyň Baş As­samb­le­ýa­sy ta­ra­pyn­dan 1995-nji ýy­lyň 12-nji de­kab­ryn­da dün­ýä­niň 185 döw­le­ti­niň bi­ra­gyz­dan ses ber­me­gi bi­len, özü­niň hemişelik Bi­ta­rap­lyk hu­kuk ýag­da­ýy­na eýe bol­dy.
«Türk­me­nis­tan – Bi­ta­rap­ly­gyň me­ka­ny» ýy­lyn­da ba­ky Bi­ta­rap­ly­gy­my­zyň 25 ýyl­lyk şanly to­ýy ulu­dan tu­tul­dy. Dün­ýä­niň äh­li ýurt­la­ryn­da pa­ra­hat­çy­lyk­ly, dost­luk­ly we öza­ra bäh­bit­li gat­na­şyk­la­ryň ös­me­gi­ne ýar­dam ber­ýän Türk­me­nis­ta­nyň he­mi­şe­lik Bi­ta­rap­ly­gy­nyň äh­mi­ýe­ti­ni açyp gör­kez­ýän çä­re­ler, mas­la­hat­lar, yl­my-ama­ly mas­la­hat­lar we dür­li sport bäs­le­şik­le­ri ge­çi­ril­di.
2017-nji ýy­lyň 2-nji few­ra­lyn­da Türk­me­nis­ta­nyň baş­lan­gy­jy bi­len BMG-niň Baş As­samb­le­ýa­sy­nyň 71-nji mej­li­sin­de 12-nji de­kab­ry «Hal­ka­ra Bi­ta­rap­lyk gü­ni» di­ýip yg­lan et­mek ha­kyn­da Ka­rar­na­manyň bi­ra­gyz­dan ka­bul edil­me­gi bi­len türk­men hal­ky­nyň esa­sy döw­let baý­ram­çy­lyk­la­ry­nyň naý­ba­şy­la­ry­nyň bi­ri bo­lan Bi­ta­rap­lyk gü­ni hal­ka­ra de­re­je­sin­de bel­le­ni­lip baş­lan­dy.

2020-nji ýyl­da bu baý­ram­çy­ly­gyň äh­mi­ýe­ti has-da ar­typ, Türk­me­nis­ta­nyň he­mi­şe­lik Bi­ta­rap­ly­gy­ äh­li ýurt­la­ry, halk­la­ry, mil­let­le­ri je­bis­leş­di­ren hem-de dün­ýä­de pa­ra­hat­çy­ly­gy, äh­lu­mu­my we dur­nuk­ly ösü­şi üp­jün et­mek­de örän wa­jyp­dy­gy­ny aýan eden şan­ly wa­ka­lar bi­len baý­laş­dy. Go­laý­da ba­ky Bi­ta­rap­ly­gy­my­zyň ýu­bi­leý se­ne­si­niň öňü­sy­ra­syn­da Bir­le­şen Mil­let­ler Gu­ra­ma­sy­nyň Nýu-Ýork­da ýer­leş­ýän ştab-kwar­ti­ra­syn­dan hem-de Ys­lam Hyz­mat­daş­lyk Gu­ra­ma­sy­nyň Jid­da şä­he­rin­de (Sa­ud Ara­bys­ta­ny) ýer­leş­ýän ştab-kwar­ti­ra­syn­dan hoş ha­bar­la­ryň ge­lip go­wuş­ma­gy hem mu­nuň aý­dyň su­but­na­ma­sy­dyr. BMG-niň Baş As­samb­le­ýa­sy­nyň 75-nji mej­li­sin­de Türk­me­nis­ta­nyň baş­lan­gy­jy bo­ýun­ça hem-de Mil­let­ler Bi­le­le­şi­gi­ne ag­za döw­let­le­riň bi­ra­gyz­dan gol­da­ma­gyn­da «Hal­ka­ra pa­ra­hat­çy­ly­gy, howp­suz­ly­gy sak­la­mak­da we pug­ta­lan­dyr­mak­da hem-de dur­nuk­ly ösüş işin­de bi­ta­rap­lyk sy­ýa­sa­ty­nyň or­ny» at­ly Ka­rar­na­ma ka­bul edi­len bol­sa, Ys­lam Hyz­mat­daş­lyk Gu­ra­ma­sy­nyň da­şa­ry iş­ler mi­nistr­le­ri­niň Ge­ňe­şi­niň 47-nji mej­li­sin­de «Ys­lam Hyz­mat­daş­lyk Gu­ra­ma­sy­nyň se­bi­tin­de we tu­tuş dün­ýä­de hal­ka­ra pa­ra­hat­çy­ly­gy, howp­suz­ly­gy we dur­nuk­ly ösü­şi sak­la­mak­da hem-de pug­ta­lan­dyr­mak­da bi­ta­rap­lyk sy­ýa­sa­ty­nyň or­ny» at­ly Ka­rar­na­ma­nyň ka­bul edil­me­gi­niň özi hem eziz Wa­ta­ny­my­zyň dün­ýä gi­ňiş­li­gin­de uly ab­ra­ýy­nyň bar­dy­gy­ny hem-de dün­ýä­de pa­ra­hat­çy­ly­gy, howp­suz­ly­gy we dur­nuk­ly ösü­şi üp­jün et­mä­ge my­na­syp go­şan­dy­nyň äh­lu­mu­my yk­rar edil­me­gi­niň no­bat­da­ky su­but­na­ma­sy bol­dy.
He­mi­şe­lik Bi­ta­rap­ly­gy­my­zyň şan­ly 25 ýyl­lyk to­ýy «Bi­ta­rap­lyk sy­ýa­sa­ty we onuň hal­ka­ra pa­ra­hat­çy­ly­gy, howp­suz­ly­gy we dur­nuk­ly ösü­şi üp­jün et­mek­de äh­mi­ýe­ti» at­ly Hal­ka­ra mas­la­ha­ty bi­len jem­len­di. Mas­la­ha­tda eden çy­ky­şyn­da hor­mat­ly Pre­zi­den­ti­mi­ziň bel­läp ge­çi­şi ýa­ly, türk­men Bi­ta­rap­ly­gy­nyň çär­ýek asyr­lyk döw­ri onuň hu­kuk ýag­da­ýy­nyň di­ňe bir Türk­me­nis­ta­nyň mil­li bäh­bit­le­ri­ni go­ra­mak bi­len çäk­len­män, eý­sem, se­bit we dün­ýä möç­ber­de pa­ra­hat­çy­ly­gy hem-de howp­suz­ly­gy pug­ta­lan­dyr­ma­gyň mö­hüm gu­ra­ly, da­şa­ry ýurt­ly hyz­mat­daş­lar bi­len ne­ti­je­li gat­na­şyk­lar, Dur­nuk­ly ösüş mak­sat­la­ry­na ýet­mek­de hal­ka­ra bi­le­le­şi­gi bi­len iş­jeň hyz­mat­daş­lyk et­mek üçin yg­ty­bar­ly bin­ýat bo­lup dur­ýar.
Hal­ka­ra mas­la­hat­da wi­deoa­ra­gat­na­şyk ar­ka­ly öz ýüz­len­me­le­ri­ni be­ýan eden Bir­le­şen Mil­let­ler Gu­ra­ma­sy­nyň Baş sek­re­ta­ry An­to­niu Gu­ter­riş, Ys­lam Hyz­mat­daş­lyk Gu­ra­ma­sy­nyň Baş sek­re­ta­ry Ýu­sef Ben Ah­med al-Usaý­min, GDA-nyň Ýe­ri­ne ýe­ti­ri­ji ko­mi­te­ti­niň Baş­ly­gy – Ýe­ri­ne ýe­ti­ri­ji sek­re­ta­ry Ser­geý Le­be­dew, Şan­haý Hyz­mat­daş­lyk Gu­ra­ma­sy­nyň Baş sek­re­ta­ry Wla­di­mir No­row, ÝU­NES­KO-nyň Baş di­rek­to­ry Od­re Azu­le ýur­du­my­zyň alyp bar­ýan oňyn sy­ýa­sa­ty­na hem-de hal­ka­ra me­se­le­le­ri­ni pa­ra­hat­çy­lyk we gep­le­şik­ler ar­ka­ly çöz­mek bo­ýun­ça ga­ra­ýyş­la­ry­na ýo­ka­ry ba­ha ber­me­gi mil­li Li­de­ri­mi­ziň alyp bar­ýan öň­den­gö­rü­ji­lik­li içe­ri we da­şa­ry sy­ýa­sa­ty­na dün­ýä jem­gy­ýet­çi­li­gin­de uly yk­rar­na­ma eýe­di­gi­ni ýe­ne-de bir ge­zek açyp gör­kez­ýär.
Ýur­du­my­zyň ba­ky Bi­ta­rap­ly­gy­nyň şan­ly 25 ýyl­lyk to­ýy my­na­sy­bet­li ge­çi­ri­len hal­ka­ra ser­gi­ hem dün­ýä jem­gy­ýet­çi­li­gi­niň üns mer­ke­zin­de bol­dy. Öza­ra bäh­bit­li hyz­mat­daş­lyk gat­na­şyk­la­ry­na yg­rar­ly bo­lan ýur­du­myz da­şa­ry ýurt­ly hyz­mat­daş­la­ry bi­len he­mi­şe hyz­mat­daş­lyk et­mä­ge açyk­dy­gy­ny mä­lim et­di. Mu­ňa 12 gün­lük ser­gi­niň do­wa­myn­da ABŞ-nyň 62 mil­li­on dol­la­ry­na, 1,5 mil­li­on­dan gow­rak ýew­ro hem-de 2,5 mil­li­on ma­nat­ly­ga ba­ra­bar hal­ka­ra res­mi­na­ma­la­ry­nyň we şert­na­ma­la­ry­nyň je­mi 130-dan gow­ra­gy­na gol çe­kil­me­gi hem aý­dyň gör­kez­ýär. Ser­gi­de hal­ka­ra gu­ra­ma­la­ry bi­len 50-ä go­laý res­mi­na­ma gol çe­kil­di. Şo­la­ryň kö­pü­si Türk­me­nis­tan bi­len Bir­le­şen Mil­let­ler Gu­ra­ma­sy­nyň dü­züm­le­ri­niň ara­syn­da bag­la­şyl­dy. Ga­za­ny­lan yla­la­şyk­lar bo­ýun­ça tas­la­ma­la­ryň ba­ha­sy ABŞ-nyň 82 mil­li­on dol­la­ryn­dan gow­rak bol­dy. Şon­dan 70,5 mil­li­on dol­la­ry türk­men ta­ra­pyn­dan gö­nük­dir­mek me­ýil­leş­di­ril­ýär. Mun­dan baş­ga-da, ýur­du­my­zyň ha­ryt­la­ry­ny eks­por­ta iber­mek bo­ýun­ça ABŞ-nyň 72,79 mil­li­on dol­la­ry­na ba­ra­bar bo­lan şert­na­ma­la­ryň 40-sy bag­la­şyl­dy.
Ba­ky Bi­ta­rap­lyk ýö­rel­ge­le­ri­ni üs­tün­lik­li dur­mu­şa ge­çir­ýän ýur­du­myz özü­niň ösü­şi­niň tä­ze be­lent­lik­le­ri­ne ta­rap ynam­ly ädim äd­ýär.

Eziz AR­TYK­LY­ÝEW,
S. A. Ny­ýa­zow adyn­da­ky Türk­men oba
ho­ja­lyk uni­wer­si­te­ti­niň mu­gal­ly­my.

Gyzykly bolup bilerЕЩЕ ОТ АВТОРА