Hor­mat­ly Pre­zi­den­ti­mi­ziň baş­tu­tan­ly­gyn­da eziz Wa­ta­ny­my­zyň yzy­gi­der­li dur­mu­şa ge­çir­ýän dö­re­di­ji­lik­li da­şa­ry sy­ýa­sy stra­te­gi­ýa­syn­da hal­ka­ra hyz­mat­daş­ly­gyň mö­hüm şer­ti hök­mün­de me­de­ni dip­lo­ma­ti­ýa­ny ýaý­baň­lan­dyr­ma­ga uly üns be­ril­ýär. Bu ugur­da BMG-niň Bi­lim, ylym we me­de­ni­ýet me­se­le­le­ri bo­ýun­ça ýö­ri­te­leş­di­ri­len eda­ra­sy bo­lan ÝUNESKO bi­len hyz­mat­daş­ly­gyň ne­ti­je­le­ri her bi­ri­mi­zi gu­wan­dyr­ýar.
Türk­me­nis­ta­n ÝU­NES­KO-nyň do­ly hu­kuk­ly ag­za­sy bo­lan pur­sa­dyn­dan bä­ri ge­çen 30 ýy­lyň do­wa­myn­da BMG-niň ýö­ri­te­leş­di­ri­len bu dü­zü­mi­niň hal­ka­ra me­de­ni hyz­mat­daş­ly­gy we gat­na­şyk­la­ry ös­dür­mä­ge gö­nük­di­ri­len bir­nä­çe tas­la­ma­la­ry­na hem-de mak­sat­na­ma­la­ry­na gat­na­şyp, özü­ni iş­jeň hyz­mat­daş hök­mün­de gör­kez­di. 1995-nji ýyl­da Pa­riž şä­he­rin­de Türk­me­nis­ta­nyň ÝU­NES­KO-nyň ýa­nyn­da­ky we­kil­ha­na­sy açyl­dy. Ýur­du­myz­da ÝUNESKO-nyň iş­le­ri bo­ýun­ça Türk­me­nis­ta­nyň Mil­li to­pa­ry he­re­ket ed­ýär.

Öza­ra hyz­mat­daş­ly­gy ös­dür­mek we bu to­pa­ryň işi­ni kä­mil­leş­dir­mek mak­sa­dy bi­len, Türk­me­nis­ta­nyň Pre­zi­den­ti­niň 2020-nji ýy­lyň 23-nji okt­ýab­ryn­da­ky Ka­ra­ry­na la­ýyk­lyk­da, ÝU­NES­KO-nyň iş­le­ri bo­ýun­ça Türk­me­nis­ta­nyň Mil­li to­pa­ry­nyň dü­zü­mi we onuň Düz­gün­na­ma­sy tas­syk­la­nyl­dy.
ÝU­NES­KO bi­len köp­ýyl­lyk hyz­mat­daş­ly­gyň do­wa­myn­da hal­ky­my­zyň baý me­de­ni­ýe­ti­ni öw­ren­mek bo­ýun­ça giň ge­rim­li, top­lum­la­ýyn iş­ler al­nyp ba­ryl­ýar, ylym-bi­lim we beý­le­ki ul­gam­lar­da ne­ti­je­li hyz­mat­daş­lyk edil­ýär. Ýur­du­my­zyň ýo­ka­ry okuw mek­dep­le­rin­de ÝU­NES­KO ka­fed­ra­la­ry­ny dö­ret­mek hem-de umu­my­bi­lim ber­ýän or­ta mek­dep­le­ri ÝU­NES­KO-nyň as­so­sir­le­nen mek­dep­le­ri­niň hal­ka­ra to­ru­na goş­mak bo­ýun­ça uly iş­ler ýe­ri­ne ýe­ti­ril­di.
Hä­zir­ki wagt­da bol­sa, Ar­ka­dag şä­he­rin­de ýer­leş­ýän Aba An­na­ýew adyn­da­ky Hal­ka­ra at­çy­lyk aka­de­mi­ýa­syn­da «Ahal­te­ke at­la­ry – pa­ra­hat­çy­ly­gyň il­çi­le­ri» at­ly ÝU­NES­KO klu­bu­ny dö­ret­mek bo­ýun­ça de­giş­li iş­ler al­nyp ba­ryl­ýar. Aba An­na­ýew adyn­da­ky Hal­ka­ra at­çy­lyk aka­de­mi­ýa­syn­da «Ahal­te­ke at­la­ry – pa­ra­hat­çy­ly­gyň il­çi­le­ri» at­ly ÝU­NES­KO klu­bu­ny dö­ret­mek bi­ziň ýur­du­my­zyň «Ahal­te­ke at­çy­lyk sun­ga­ty we at­la­ry be­ze­mek däp­le­ri» at­ly mil­li hö­dür­na­ma­my­zyň bi­ziň ýur­du­my­zyň ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi ug­run­da ama­la aşyr­ýan iş­le­ri­niň lo­gi­ki do­wa­my bo­lar.
Ahal­te­ke at­la­ry­nyň şöh­ra­ty­ny go­rap sak­la­mak we art­dyr­mak işin­de ba­ha­sy­na ýe­tip bol­ma­jak hyz­mat türk­men hal­ky­nyň Mil­li Li­de­ri­ne de­giş­li­dir. Mil­li Li­de­ri­mi­ziň taý­syz ta­gal­la­la­ry ne­ti­je­sin­de, Türk­me­nis­tan at­şy­nas­ly­gyň hal­ka­ra mer­ke­zi­ne öw­rül­di, be­hiş­di be­dew­le­ri­miz we us­sat ça­pyk­su­war­la­ry­myz bol­sa, da­şa­ry ýurt­lar­da ge­çi­ril­ýän iri bäs­le­şik­le­riň, ab­raý­ly at­çy­lyk sport ýa­ryş­la­ry­nyň hem-de at ça­py­şyk­la­ry­nyň ýe­ňi­ji­le­ri bol­ýar­lar.
Ahal­te­ke be­dew­le­ri äh­li dö­wür­ler­de hem türk­men hal­ky­nyň dur­mu­şy­nyň aý­ryl­maz bö­le­gi hem-de we­pa­ly hem­ra­la­ry, şöh­rat­ly ta­ry­hy­my­zyň be­ze­gi bol­du­lar. Ýur­du­myz­da at­çy­lyk pu­da­gy­nyň dü­zü­mi­ni ös­dür­mek, spor­tuň at­ly gör­nüş­le­ri­ni hem-de at mün­me­giň mil­li däp­le­ri­ni ýaý­mak bo­ýun­ça de­ňi-ta­ýy bol­ma­dyk çä­re­ler dur­mu­şa ge­çi­ril­ýär. Şu­nuň bi­len bag­ly­lyk­da, ýur­du­my­zyň äh­li we­la­ýat­la­ryn­da hal­ka­ra öl­çeg­le­ri­ne ky­bap gel­ýän aý­law­lar gur­lup, olar at ça­py­şyk­la­ry­ny ge­çir­mek üçin di­ňe meý­dan bol­mak bi­len çäk­len­män, eý­sem, spor­tuň mil­li gör­nü­şi­ni dün­ýä ýaý­ýan we köp­çü­lik­le­ýin ös­dür­ýän mer­kez­ler hem bo­lup dur­ýar.
Türk­men hal­ky­nyň mil­li buý­san­jy bo­lan at­la­ryň to­hum aras­sa­ly­gy­ny go­rap sak­la­mak we baş sa­ny­ny kö­pelt­mek, bu ugur­da ýo­ka­ry de­re­je­li hü­när­men­le­ri top­lum­la­ýyn hem-de yl­my esas­da taý­ýar­la­mak mak­sa­dy bi­len dö­re­di­len Aba An­na­ýew adyn­da­ky Hal­ka­ra at­çy­lyk aka­de­mi­ýa­sy türk­men at­çy­lyk pu­da­gy­nyň has-da be­len­de gal­ma­gy­na my­na­syp go­şant go­şar.

Döw­ran AN­NA­NE­PE­SOW,
Döw­let­mäm­met Aza­dy adyn­da­ky Türk­men mil­li dün­ýä dil­le­ri ins­ti­tu­ty­nyň iň­lis di­li we ede­bi­ýa­ty fa­kul­te­ti­niň mu­gal­ly­my.

Gyzykly bolup bilerЕЩЕ ОТ АВТОРА