Tehnologiýanyň ösmegi netijesinde fiziki zähmet talap edýän işleriň köpüsi ýeňilleşdi. Bu bolsa adamlaryň has az hereket etmegine, netijede agramynyň artmagyna getirýär. Lukmanlar artykmaç agramy aýyrmak üçin günüň iň amatly wagt aralygyny kesgitlediler. Bilermenleriň bellemeklerine görä, horlanmak üçin naharlanmagyň kadaly ýagdaýda bolmagynyň zerur bolşy ýaly, sport bilen meşgullanmaly wagt hem belli bir tertipde bolmaly. Ir bilen turup, maşk etmek köp adam üçin kyn hem bolsa, bilermenler munuň netijeli boljakdygyny belleýärler.
Karolinska institutynyň ylmy işgäri, biolog, professor Žuliýen Sýerat irdenki maşkyň metabolizmi çaltlandyrýandygyny we bedendäki ýagy ýakmak üçin agşamky maşkdan has täsirlidigini belleýär. Bilermenler kadaly agramy saklamak üçin hepdede iki ýarym sagat welosiped sürmek ýa-da batly ýöremek ýaly orta derejeli maşklary maslahat berýärler.
Şatlyk MYRADOW,
Ýagşygeldi Kakaýew adyndaky Halkara nebit we gaz uniwersitetiniň mugallymy.
PDF









