Ho­li – reňk­le­riň baý­ra­my

Baý me­de­ni­ýe­ti we öz­bo­luş­ly däp-des­sur­la­ry bi­len ta­nal­ýan Hin­dis­tan­da mil­li äheň­de hem-de hal­ka­ra de­re­je­sin­de bir­nä­çe baý­ram­çy­lyk fes­ti­wal­la­ry ge­çi­ril­ýär. Şo­la­ryň bi­ri hem Ho­li­dir. Ho­li fes­ti­wa­ly dün­ýä­de «reňk­le­riň baý­ra­my» hök­mün­de meş­hur­dyr. Hin­di se­ne­na­ma aýy Phal­gu­na gö­rä, bu baý­ram­çy­lyk Pur­ni­ma ag­şa­myn­da, ýag­ny do­lan Aý gü­ni baş­lan­ýar. Şu ýyl 4-nji mart­da bel­le­nil­ýän Ho­li hin­di me­de­ni­ýe­ti­niň aý­ryl­maz bö­le­gi bo­lan ga­dy­my baý­ram­la­ryň bi­ri­dir. Şat­lyk­ly ýag­daý­da geç­ýän Ho­li fes­ti­wa­ly üçin aýal-gyz­lar ta­ra­pyn­dan te­bi­gy usul­da al­nan gu­ry reňk­ler we su­wa ga­ry­lan bo­ýag­lar taý­ýar­la­nyl­ýar. Kö­çe­le­riň ýü­zü­ne abir we gu­lal reňk­le­ri bi­len dür­li şe­kil­ler hem-de su­rat­lar çe­kil­ýär. Fes­ti­wal gü­ni maş­ga­la ag­za­la­ry üý­şüp, mat­ri, pap­ri, pa­pad we gu­ji­ýa ýa­ly süý­jü­lik­dir baý­ram­çy­lyk ta­gam­la­ry­ny taý­ýar­la­ýar­lar.
Ça­ga­lar üçin örän gy­zyk­ly ýag­daý­da geç­ýän Ho­li baý­ram­çy­ly­gyn­da hem­me­ler bi­ri-bi­ri­niň üs­tü­ne dür­li öwüş­gin­li reňk­le­ri sep­ýär­ler. Bu ýag­daý gy­şyň gu­ta­ryp, ýa­zyň baş­la­nan­dy­gy­ny ala­mat­lan­dyr­ýar. Baý­ram­çy­ly­ga baş­ga­ça «Rang Pancha­mi» hem di­ýil­ýär. Hin­di­le­riň ara­syn­da «Ho­li yn­san­la­ryň ara­syn­da söý­gi dö­red­ýär hem-de jem­gy­ýe­tiň has-da ys­nyş­ma­gy­na müm­kin­çi­lik ber­ýär» di­ýen ynanç bar. Baý­ram­çy­lyk gü­ni öý­ke-ki­ne­li adam­lar hem bi­ri-bi­ri­ne reňk se­pip, dost­luk­ly ýag­daý­da baý­ram­çy­lyk bel­le­ýär­ler. Ho­li ge­len­de te­bi­gat al-el­wan gül­le­re bes­len­ýär. Şol se­bäp­li Ho­li fes­ti­wa­ly­na Hin­dis­ta­nyň kä­bir se­bi­tin­de Ba­har baý­ra­my hem di­ýil­ýär. Ho­li baý­ra­my Ne­pal­da hem uly da­ba­ra bi­len bel­le­nip ge­çil­ýär. Iki gün­lük baý­ram­çy­lyk çä­re­si ABŞ, Be­ýik Bri­ta­ni­ýa, Maw­ri­kiý we Gü­nor­ta Af­ri­ka Res­pub­li­ka­sy ýa­ly hin­di­le­riň ýa­şa­ýan ýurt­la­ryn­da hem bel­le­nil­ýär.