Millioner “YouTuber” Maýk Bläk kompaniýalaryň inženerçilik, täze harytlary işläp taýýarlamak, marketing we satuw ugurlarynda ýolbaşçylary işe almaga ýardam edýän programma düzýän “Told Media” agentligine ýolbaşçylyk edýär. Geçen ýyl Maýk noldan millioner bolup biljekdigini subut etmek üçin bilgeşleýin batdy.
Ol bu başlangyjyna “Million dollarlyk yza dolanyş göreşi” diýip at berdi. Şeýlelik bilen Maýk pul gazanmak üçin pula zerurlygyň ýokdugyny subut etmek isleýär. Ol “YouTube”-daky wideolarynyň birinde pandemiýa döwründe ähli zadyny ýitiren adamlaryň bardygyny belleýär. Ol noldan gazanmaga girişende ilki bir dostunyň karawanynda ýaşap başlapdyr. Birnäçe günden soňra mugt alan mebellerini satyp, ilkinji 300 dollaryny gazanandygyny aýdýar. Ol stoluň geçginli harytdygyny belleýär. Maýk “Craigslist”-iň (bildiriş goýup bolýan programma) tölegsiz bölüminden reklama alyp, “Facebook Marketplace”-e goýup, girdeji maksatly satyp başlapdyr. Şeýlelikde alyjy bilen satyjylaryň arasyndaky logistikany dolandyryp, ýagny dellallyk edipdir. Iki hepdeden az wagtda karzyna alan kompýuterini ulanyp, mebel alyş-satyş işleri üçin kiçiräk ýeri kärendesine alypdyr. Gysga wagtda ýaşamak üçin hem kärendesine ýer alypdyr. Üç aýdan soň jemgyýetçilik toruna ýolbaşçylyk edip başlapdyr. Uzak wagt geçmänkä kofe brendini döredipdir. Ol millionlarça dollar gazanmaýandygyny, emma iri tehnologiýa kompaniýalary bilen sosýal medýalaryny dolandyrmakda telefon arkaly maslahat berip başlandygyny belleýär.
Dört aýdan soňra Maýkyň kakasynda bir keseliň bardygy aýdylypdyr. Şeýle-de bolsa, ol taslamasyny durmuşa geçirmegini dowam etdiripdir. 10-njy aýa geleninde bolsa, başlangyjyny togtatmaly diýen netijä gelipdir. Şeýlelikde, ol 10 aýda 64 müň dollar gazanypdyr. Ol bu başlangyjynyň pikir edişindan has kyn bolandygyny boýun alýar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА