Italiýada oýnalan “Bolonýa” – “Borussiýa Dortmund” duşuşygyna nemes kluby 15-nji minutda Girassiniň penalti goly bilen öňe geçdi. Ýöne 2-nji ýarymda ýer eýeleri 2 minutda 2 gol geçirip, ýeňiş gazanmagy başardy. 71-nji minutda Dallinga hasaby deňläp, 72-nji minutda onuň pasyndan soň Iling-Junior italýan klubuna bu ýaryşdaky 60 ýyldan soň ilkinji ýeňşini baýram etdi. Ýöne bu ýeňiş olaryň ýaryşy dowam etmegi üçin ýeterlik bolmaz.

Başga bir italýan kluby “Ýuwentus” myhmançylykda “Klub Brýugge” bilen golsuz deňme-deň oýnaýar. Bu olaryň umumylykda soňky 4 oýunda 3-nji deňligidir.

“Ligue 1”-iň adyndan wekilçilik edýän “Monako” topary öz meýdançasynda “Aston Willany” Singonyň 8-nji minutda geçiren ýeke-täk goly esasynda ýeňlişe sezewar etdi. Germaniýanyň “Ştutgart” topary myhmançylykda “Slowan Bratislawany” Lewelingiň (2) hem-de Rideriň gollary bilen 3-1 hasabynda ýeňdi.

 

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА