Zemine zynat, güýzüm!

Türk­men top­ra­gy­na rys­gal-be­re­ke­diň nu­ru­ny sa­çyp al­tyn güýz gel­di. Bu ýyl aý­dym­lar­da-goş­gu­lar­da was­py ýe­ti­ri­len güý­züň türk­me­niň sa­ha­wat­ly top­ra­gy­na gel­şi has-da üýt­ge­şik. Onuň go­ja Ze­mi­niň ga­py­syn­dan ät­läp, mü­bä­rek ga­da­my bi­len bol ha­syl­ly meý­dan­la­ry, yn­sa­nyň bag­ty­na de­ňel­ýän ak pag­ta­ny, gö­züň ýa­gy­ny iýip bar­ýan näz-nyg­mat­la­ry bol­dan ge­ti­ri­şi kalp­la­ra ga­nat, Ze­mi­ne zy­nat ber­ýär. Yn­ha, dü­züm-dü­züm bo­lup, gök as­ma­ny gu­laç­lap dur­na­lar ge­çer. Ola­ryň to­par tu­tup uçup, gy­kuw­la­şyp ba­ryş­la­ry hem üýt­ge­şik. Ola­ryň ses­le­rin­de aý­ra­ly­gyň däl-de, ýe­ne-de gaý­dyp gel­jek­dik­le­ri­niň hoş owa­zy ýaň­lan­ýan ýa­ly­dyr.
Ha­wa, ene­le­riň ýy­ly mäh­ri­ne meň­zeş ys­sy ço­gy bi­len üç aý­lap ene Ýe­riň ger­şi­ni gyz­dy­ran to­mus, öz or­nu­ny sa­ry güý­ze ber­di. Bin­ýa­dy ha­lal­lyk­dan ber­ka­rar bo­lan türk­men Di­ýa­ry­myz­da toý-baý­ram­la­ra baý güýz pas­ly­nyň or­ny aý­ra­tyn üýt­ge­şik. Şu pur­sat­lar­da zer­bap güý­züň goý­nu­ny al­tyn mon­juk bi­len be­ze­jek ýa­kym­ly wa­ka­lar göz öňü­miz­de jan­lan­ýar.
Bu pa­syl­da hal­ky­myz bi­r-bi­ri­ne sep­le­şip gid­ýän se­ne­le­ri – Bi­lim­ler we ta­lyp ýaş­lar gü­nü­ni, Jeý­hun bi­len bah­ry-Ha­zar ara­syn­da ýa­şa­ýan kül­li türk­men ili­niň toý­la­ýan mu­kad­des Garaş­syz­ly­gy­my­zyň şan­ly to­ýu­ny, güý­züň ör­kü­ji okt­ýabr aýy­nyň 1-ine Ýa­şu­lu­la­ryň Hal­ka­ra gü­nü­ni, güý­züň ahyr­ky aýy bo­lan no­ýab­ryň ikin­ji ýek­şen­be­sin­de bol­sa, Ha­syl to­ýu­ny bel­lär.
Hal­ky­myz­da «Jüý­jä­ni güýz sa­na­şar­lar» di­ýen na­kyl hem bar. Bu söz güýz ge­len­de ha­syl ýyg­nal­ýan­dy­gy üçin aý­dyl­ýar. Bu ba­ra­da Gah­ry­man Ar­ka­da­gy­myz «Döw­let gu­şy» ro­ma­nyn­da şeý­le bel­le­ýär: «Güýz – ha­sap­la­şyk möw­sü­mi. Se­niň kim­di­giň mi­za­na mün­ýän döw­ri». Bag­la­ryň şa­ha­la­ryn­da bul­du­ra­şyp du­ran al­ma­dyr nar­la­ryň, Gü­nüň ýi­ti şöh­le­si­ni siň­di­rip ýe­ti­şen sal­kym-sal­kym üzüm­le­riň, gök önüm­le­riň, içi­ne bal aty­lan ýa­ly ga­wun-gar­pyz­la­ryň bol hasyly, aňyr­sy­na-bär­si­ne göz ýet­me­ýän pag­ta meý­dan­la­ryn­da ak pat­rak bo­lup açy­lan pag­ta güýz­de ýyg­nal­ýar. «Ak ker­wen­ler» di­li se­na­ly ýa­şu­lu­la­ry­my­zyň ak pa­ta­sy­ny alyp ýo­la düş­ýär­ler. Şo­nuň üçin bu dö­wür­de top­ra­ga tag­zym edip, ýe­re yh­las eden daý­ha­nyň hem, gy­şyň çap­gyn so­wu­gy­na, tom­suň jöw­za­ly ys­sy­sy­na döz ge­lip, ma­ly­ny ha­ly ha­sap­la­ýan mal­da­ryň hem aza­by ýe­ri­ne go­wuş­syn di­ýe­siň gel­ýär.
Güýz pas­lyn­da daş-tö­we­rek­dä­ki agaç­lar eg­ni­ne sa­ry do­nu­ny ge­ýip, gö­zel­li­gi bi­len hemmä­ni haý­ra­na goý­ýar. Ýe­riň ýü­zün­de agaç­la­ryň al­tyn ýap­rak­la­ry ýa­zy­lyp ýa­tyr. Bu gör­nüş­ler mis­li as­man­dan al­tyn bö­le­jik­le­ri ýag­ýan ýa­ly tä­sir­li pur­sa­dy eme­le ge­tir­ýär.
Tyl­la şel­pe­li güý­züm, se­niň er­ki­ňe-gör­kü­ňe ma­ýyl kal­bym ge­le­ni­ňe ga­nat ýaý­dy. Çün­ki, men se­niň goý­nuň­da bu ýag­ty ja­ha­na in­dim. Şo­nuň üçin bol­sa ge­rek, sen hak­da oý­la­na­nym­da kal­bym­da süý­ji duý­gy, joş­gun eme­le gel­ýär. Daş-tö­we­re­giň gö­zel­lik­le­ri­ni syn­lap, güý­züň owa­dan­ly­gy­ny du­ýup, my­myk şe­ma­lyň as­tyn­da ge­ze­lenç et­mek bol­sa, iň ha­la­ýan za­dym. Ýe­re ga­çan ýap­rak­la­ryň üs­tün­den ýö­re­mek has ýa­kym­ly. Ola­ryň şy­kyr­da­ýan ses­le­ri edil sa­zan­da­nyň çal­ýan saz­la­ry­na meň­ze­ýär.
Al­tyn güý­züm! Sen ha­kyn­da oý­la­na­nyň­da türk­men ede­bi­ýa­tyn­da «Güý­züň şa­hy­ry» di­ýip at alan Gur­ban­na­zar Ezi­zow bi­yg­ty­ýar ýa­dy­ňa düş­ýär.
Syr alyp, syr be­riş­ýän
Sö­wer dos­tu­ma meň­zäp,
Kak­dyň ýe­ne ga­py­my,
Me­niň paý­has­ly güý­züm
– diý­ýän şa­hy­ryň «Güýz», «Dur­na­lar», «Dur­na», «Aý­ra­lyk pas­ly», «Güýz gi­je­si», «Güýz bi­len söh­bet», «Söý­ýän güýz pas­ly­ny» goş­gu­la­ry, «Güýz» so­net­ler çe­me­ni şa­hy­ryň ede­bi­ýat meý­da­nyn­da go­ýan ru­hy ha­zy­na­sy­dyr.
Tyl­la güý­züm, sen türk­men hal­ky­na iň be­ýik bag­ty – Ga­raş­syz­ly­gy ba­gyş­la­dyň. Garaşsyzlygyň nur­ly gü­ne­şi gö­wün­le­ri­mi­zi ýy­la­dyp ug­ra­ly bä­ri sen in­di otuz ikin­ji ge­zek Di­ýa­ry­my­za myh­man bol­ýar­syň. Uly iş­le­riň ba­şy­na mas­la­hat­ly bar­ma­gy ýö­rel­ge edi­nen türk­men hal­ky­nyň Milli Lideri Gahryman Arkadagymyzyň äh­li baş­lan­gyç­la­ry­ny my­na­syp do­wam et­dir­ýän hormatly Prezidentimiziň baş­tu­tan­ly­gyn­da baş baý­ra­my­my­zyň bo­sa­ga­syn­da Türk­me­nis­ta­nyň Halk Mas­la­ha­ty­nyň no­bat­da­ky mej­li­si ge­çi­ri­ler. Döw­let­li mas­la­hat­da türk­men hal­ky­nyň bag­ty­ýar gel­je­gi­niň şa­ny­na be­ýik iş­le­riň tä­ze tap­gy­ry­nyň ba­şy baş­la­nar. Ol be­ýik iş­ler türk­me­niň ady­ny dün­ýä­niň ta­ry­hy­na al­tyn harp­lar bi­len ýa­zar.
Ýa­zy gül­le­re, güý­zi ha­sy­la bes­le­nen Garaşsyz Diýarymyza he­mi­şe be­lent ösüş­ler ýa­ran bol­sun! Goý, he­mi­şe aja­ýyp pa­syl­lar için­de, Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Gahryman Arkadagymyza, Arkadagly Serdarymyza gu­wa­nyp, türk­men top­ra­gy­na rys­gal-be­re­ket bi­len ge­len aja­ýyp pa­syl­la­ry şat­lyk­ bi­len gar­şy­lap, bagt­ly ömür sür­mek, toý toý­la­mak her bi­ri­mi­ze mi­ýes­ser et­sin.

Ju­ma­gül HO­JA­ÝE­WA,
Türkmenistanyň Kärdeşler arkalaşyklarynyň Daşoguz welaýat birleşmesiniň pudaklar boýunça utgaşdyryjysy,
Türkmenistanyň ussat mugallymy.