Ga­dy­my dö­wür­ler­den bä­ri te­bi­ga­tyň baý­lyk­la­ryn­dan tyg­şyt­ly peý­da­lan­mak ba­ra­da dür­li çä­re­ler dur­mu­şa ge­çi­ri­lip gel­nip­dir. Şeý­le çä­re­le­riň ha­ta­ry­na öri meý­dan­la­ryň ösüm­lik ör­tü­gi­ni go­ra­mak mak­sa­dy bi­len, ol ýer­le­ri wag­tal-wag­tal çal­şy­ryp dur­mak, guş­lar­dyr beý­le­ki haý­wan­la­ryň kö­pel­ýän döw­rün­de ola­ry aw­la­maz­lyk ýa­ly en­çe­me çä­re­ler de­giş­li­dir. Ýur­du­my­zyň iň gym­mat­ly te­bi­gy baý­lyk­la­ry­nyň bi­ri hem eme­li dö­re­dil­ýän to­kaý se­ýil­gäh zo­lak­la­ry­dyr. Agaç­lar adam­la­ryň dem al­ma­gy üçin ge­rek­li kis­lo­ro­dy bö­lüp çy­kar­yp , ho­wa­ny aras­sa­la­ýar. Şeý­le hem to­kaý­lar halk ho­ja­ly­gy­nyň pu­dak­la­ry­ny çig mal bi­len üp­jün ed­ýär. Tokaýlary ot­dan go­ra­mak hemmeleriň, şeý­le-de Döw­let ýan­gyn howp­suz­ly­gy gul­lu­gy­nyň iş­gär­le­ri­niň bor­jy bo­lup dur­ýar. Ýan­gyn­la­ry­ň dö­re­me­gi­ne, köplenç adam­lar se­bäp bol­ýar. Ýan­gyn sön­dü­ril­me­dik ot, taş­la­nan çi­lim, ot­lu­çöp, gu­ran ot­la­ryň ýa­kyl­ma­gy, çüý­şe­ler­den we aý­na bö­lek­le­rin­den Gün şöh­le­si­niň geç­me­gi bi­len dö­re­ýär. Ys­sy ho­wa­da, esa­san hem, ar­ça eki­len to­kaý se­ýil­gäh zo­lak­la­ryn­da ýan­gy­nyň dö­re­me­gi­ne sä­hel­çe uç­gun ýe­ter­lik­dir. To­kaý se­ýil­gäh zo­lak­la­ry­nyň çäk­le­rin­de, şä­he­riň dynç alyş mer­kez­le­rin­de, de­mir ýol­la­ryň ug­run­da, säh­ra-öri meý­dan­lar­da gu­ran ha­pa-ha­şal ot­la­ry ýak­mak ga­da­gan­dyr. To­kaý se­ýil­gäh zo­lak­la­ry­na bar­lan­da ýan­gyn howp­suz­lyk düz­gün­le­ri ber­jaý edil­me­li. Meý­dan­lar­da ot ýa­kyl­ma­ly bol­nan­da, se­re­sap­syz­ly­ga ýol be­ril­me­li däl. Ot ýa­kyl­maz­dan öň daş-tö­we­re­gi gu­ran ot-çöp­ler­den aras­sa­la­nan ýa­rym metr çuň­luk­da ga­zy­lan ýer taý­ýar­la­nyp, oduň ýaý­ra­maz­ly­gy­na göz ýe­tir­me­li. Ot ula­nyp bol­nan­dan soň, gum sü­rüp ýa-da suw se­pip do­ly sön­dür­me­li. Aw­tou­lag­la­ryň sü­rü­ji­le­ri meý­dan­lar­da gu­ran ot-çöp­le­riň üs­tün­den sü­ren­le­rin­de, aw­tou­lag­la­ryň tüs­se­çy­kar­la­ryn­dan uç­gun­la­ryň çyk­ma­gy ne­ti­je­sin­de ýan­gyn ha­dy­sa­sy­nyň dö­re­me­gi­niň müm­kin­di­gi­ni ýat­dan çy­kar­ma­ly däl.

Gel­di­mäm­met Re­je­pow,
Aşgabat şäher Polisiýa müdirliginiň Ýangyn howpsuzlyk bölüminiň 100-nji harbylaşdyrylan ýangyn howpsuzlyk bölüminiň müdiriniň işgärler boýunça orunbasary, içerki gullugyň maýory.

Gyzykly bolup bilerЕЩЕ ОТ АВТОРА