Egin-eşik­le­ri ütük­le­me­giň usul­la­ry

Egin-eşik­le­ri ütük­le­mek üns­lü­li­gi ta­lap ed­ýän ow­nuk we hy­syr­dy­ly iş ha­sap­lan­ýar. Öý bi­ke­le­ri­niň gün­de­lik ýe­ri­ne ýe­tir­ýän bu işi üst-ba­şy­my­zyň tä­miz we yk­jam gö­rün­me­gi­ne ýar­dam ed­ýär. Ys­sy ho­wa­da nah ma­ta­dan egin-eşik­le­riň köp ge­ýil­ýän­di­gi hem-de ýy­gy-ýy­gy­dan üst-ba­şyň çal­şy­ryl­ýan­dy­gy se­bäp­li, ýaz we to­mus pa­syl­la­ryn­da ütük et­mek işi has hem kö­pel­ýär. Her bir iş­de bol­şy ýa­ly, ge­ýim-ge­jim­ler ütük edi­len­de hem kä­bir zat­la­ra üns ber­me­li. Esa­san hem, ma­ta­nyň hi­li­ne gö­rä ütü­giň gyz­gyn­lyk de­re­je­si­ni saz­la­ma­gy, egin-eşi­gi gu­ru­ly­gy­na ýa-da çyg­lyly­gy­na ütük­le­me­li­di­gi­ni bil­me­li. Bu işiň köp wag­ty­my­zy al­maz­ly­gy hem-de aň­sat bol­ma­gy üçin kä­bir usul­la­ry öw­ren­me­li.
Kä­bir egin-eşi­giň ýy­gyr­dy­ny ýaz­mak kyn bol­ýar. Şeý­le egin-eşik­ler kir ýu­wu­jy ma­şy­na sal­nan­da ýum­şa­dy­jy se­riş­de guý­ma­ly. Ýuw­lup bol­nan­dan soň, do­ly gu­ra­man­ka ütük et­me­li.
Ýuw­lan egin-eşik­le­ri ser­mez­den ozal, iki-üç ge­zek silk­me­li. Bu usul eşi­giň ýy­gyr­dy­nyň aý­ryl­ma­gy­na hem-de çalt gu­ra­ma­gy­na ýar­dam ed­ýär.
Egin-eşik­le­ri ma­ta­sy­nyň gör­nü­şi­ne gö­rä to­par­la­ra (sin­te­tik, nah, ýüň, ýü­pek) böl­me­li, soň­ra ütük­läp baş­la­ma­ly.
Wagt ýi­tir­mez­lik üçin asa­waç­la­ry ýa­nyň­da goý­ma­ly. Ütük et­jek ýe­ri­ňe ga­lyň ma­ta ýaz­ma­ly ýa-da ýö­ri­te ütük edil­ýän stol­dan peý­da­lan­ma­ly.
Ütü­giň ýü­zün­de ma­ta­da yz gal­dyr­jak teg­mil­le­riň ýok­du­gy­na göz ýe­ti­re­niň­den soň elekt­rik to­gu­na bi­rik­dir­me­li. Eger-de bug­ly ütük bol­sa bel­le­nen öl­çeg­de aras­sa suw guý­ma­ly. Egin-eşi­giň hi­li­ne gö­rä, ütü­giň gyz­gyn­ly­gy­ny saz­la­ma­ly.
Il­ki bi­len, pes gyz­gyn­lyk­da ýu­ka­rak egin-eşik­le­ri ütük­le­me­li. Soň­ra gyz­gyn­ly­gy beý­gel­dip, ga­lyň egin­baş­la­ry ütük­läp baş­la­ma­ly.
Kä­bir nah we ýüň ma­ta­dan ti­ki­len egin­baş­lar aň­sat­lyk bi­len ütük al­ma­ýar. Ga­lyň egin-eşik­le­riň ýü­zü­ne çyg­ly ha­sa­ny ýa­zyp ütük­läp bi­ler­si­ňiz.
Adat­ça egin-eşik­ler ters ýü­zü­ne ütük­len­ýär. Esa­san hem, ýü­pek ma­ta­la­ry ýal­dy­ra­maz­ly­gy üçin hök­ma­ny su­rat­da ters ýü­zü­ne öwür­me­li.
Eşikleri ütük­läp bo­la­nyň­dan soň, ýag­ty ýer­de nä­hi­li ütük­le­nen­di­gi­ni gör­me­li. Soň­ra wagt ýi­tir­mez­den asa­wa­ja as­ma­ly. Se­bä­bi ütük­le­nen eşik­ler çalt ýy­gyrt at­ýar.
Ütük­le­mek işi­ni dy­na­ny­ňyz­dan soň ütü­gi no­la ge­ti­rip, se­re­sap­lylyk bilen elektrik toguny sogurmaly. Ütü­giň için­dä­ki su­wu­ny bo­şat­ma­ly.
Eger ütü­ge egin-eşi­giň reň­ki ge­çip ha­pa­la­nan bol­sa, ýö­ri­te ga­lam ýa-da beý­le­ki se­riş­de­ler bi­len aras­sa­la­ma­ly.
Ütük­le­me­li za­dy­ňyz gu­ta­ry­be­ren­de, ýag­ny bir sa­ny el­ýag­lyk ýa-da köý­ne­giň bir ýe­ňi ga­lan­da ütügiň toguny sogrup bi­ler­si­ňiz. Ütü­giň gyz­gyn­ly­gy şol zat­la­ry ütük­le­mek üçin ýe­ter­lik bo­lar. Bu en­dik elekt­rik ener­gi­ýa­sy­ny tyg­şyt­la­ma­ga hem-de ütü­giň bi­raz so­wa­ma­gy­na ýar­dam eder. Gyz­gyn ütü­gi ça­ga­la­ryň eli ýet­jek ýer­de ýa-da ýa­ny­jy mad­da­la­ryň go­la­ýyn­da goý­ma­ly däl.