Ynsanlara bo­lan söý­gi­ňi­zi müm­kin bol­du­gy­ça, hem­me ýer­de, il­kin­ji no­bat­da bol­sa öz öýü­ňi­z­de ýü­ze çy­ka­ryň! Ça­ga­la­ry­ňy­za, ýan­ýol­da­şy­ňy­za, goň­şu­la­ry­ňy­za söý­gi­ňi­zi peş­geş be­riň! Goý, ýe­ke­je adam hem si­ziň dur­mu­şy­ňy­zda bi­raz oňat ýa-da bagt­ly bol­man git­me­sin. Hu­da­ýyň ýag­şy­ly­gy­nyň jan­ly be­ýa­ny bo­luň! Goý, adam­lar si­ziň ýü­zü­ňiz­de, göz­le­ri­ňiz­de we mä­hir­li sa­la­my­ňyz­da uç­ga­nak­la­ýan ýag­şy­ly­gy gör­sün.
Erik Bat­ter­wort, ame­ri­kan ýa­zy­jy­sy.

Bir ge­zek kol­le­jiň pro­fes­so­ry, so­sio­lo­gi­ýa to­pa­ryn­da oka­ýan ta­lyp­la­ry­na 200 og­lan­jy­gyň dur­mu­şy ba­ra­da mag­lu­mat ýyg­na­mak üçin Bal­ti­mo­ryň etegine git­me­gi tek­lip et­di. Professor öz talyplaryna bu og­lan­la­ryň her­si­niň gel­je­gi­ne ba­ha ber­me­gi­ni ha­ýyş et­di.
Ýö­ne ta­lyp­la­ryň äh­li­si olar­da hiç hi­li gel­je­giň ýok­du­gy ba­ra­daky netijelerini ýa­zyp­dyr­lar.
Bu wa­ka­nyň üs­tün­den ýig­ri­mi bäş ýyl ge­çen­den soň­ra, so­sio­lo­gi­ýa der­sin­den sa­pak ber­ýän baş­ga bir pro­fes­sor ozal­ky ge­çi­ri­len bar­lag­la­ryň ne­ti­je­le­ri­niň üs­tün­den tö­tän­le­ýin bar­ýar. Ol öz ta­lyp­la­ry­na şol og­lan­jyk­la­ryň yk­ba­ly­nyň soň­ra nä­hi­li bo­lan­dy­gy­ny bil­mek mak­sa­dy bi­len tas­la­ma­ny do­wam et­dir­me­gi tab­şyr­ýar. Ta­lyp­lar gö­çüp gi­den 20-sin­den baş­ga, ga­lan 180-sin­den 176-sy­nyň hu­kuk­çy­lar, luk­man­lar we işewürler hök­mün­de uly üs­tün­lik ga­zanan­dyk­la­ry­ny anyk­la­ýar­lar.
Haý­ran ga­lan pro­fes­sor mu­nuň se­bä­bi­ni anyk­la­ma­gy ýü­re­gi­ne düw­ýär. Gyzykly ýe­ri bu adam­la­ryň hem­me­si he­ni­zem şol sebitde ýa­şa­ýan eken we ola­ryň her bi­rin­den: «Siz öz ga­za­nan üs­tün­li­gi­ňi­ziň se­bä­bi­ni nä­me­de ha­sap­la­ýar­sy­ňyz?» di­ýen so­ra­gy ber­mä­ge müm­kin­çi­lik dö­re­ýär. Pro­fes­sor ola­ryň äh­li­sin­den şol bir jo­ga­by al­ýar: «Bu­la­ryň hem­me­si mu­gal­ly­my­my­zyň ýar­da­my bi­len bol­dy».
Pro­fes­sor çagalarda özlerine bolan güýçli ynam döretmegi başaran mu­gal­lymy göz­läp tap­ýar we bu gar­ry, ýö­ne he­ni­zem gu­jur­ly ze­nan­dan haý­sy ja­dy­ly for­mu­la­nyň kö­me­gi bi­len okuw­çy­la­ry­ny kyn­çy­lyk­lar­dan ha­las edip, ola­ryň dur­muş­da üs­tün­lik ga­zan­ma­gy­na kö­mek eden­di­gi­ni so­ra­ýar. Mu­gal­lym ze­na­nyň göz­le­rin­de mä­hir uç­gun­la­ry, do­dak­la­ryn­da my­la­ýym ýyl­gy­ryş peý­da bol­ýar we şeýle jogap berýär:
– Bu ju­da ýö­ne­keý, men di­ňe ol ça­ga­la­ry ullakan ýürek bilen söýdüm, mährimi berdim.

Iň­lis di­lin­den ter­ji­me eden
Gül­za­da Ça­ry­ýe­wa,
Ma­ýa Ku­ly­ýe­wa adyn­da­ky Türk­men mil­li kon­ser­wa­to­ri­ýa­sy­nyň ýa­nyn­da­ky ýö­ri­te saz­çy­lyk mek­dep-in­ter­na­ty­nyň okuw­çy­sy.

Gyzykly bolup bilerЕЩЕ ОТ АВТОРА