Magtymguly Pyragynyň döredijilik mirasy halkymyzyň dünýä medeniýetine özboluşly goşandydyr. Onuň 300 ýyla golaý mundan ozal döreden eserleri häzirki döwürde hem öz ähmiýetini ýitirmän gelýär. Çünki olarda umumadamzat ruhy-ahlak gymmatlyklar, mähriban topragyňa, öz halkyňa deňsiz-taýsyz wepalylyk, halkyň döredijilik güýjüne ynam hem-de belent borç öz beýanyny tapýar. Täze taryhy eýýamyň belent ruhy ýokary göterilişi döwründe Magtymgulynyň milli ylmyň, medeniýetiň we sungatyň ynsanperwerlik maksatlaryna ýugrulan goşgulary täze mana eýe bolup, täze güýç bilen ýaňlanýar.

Mag­tym­gu­ly­nyň şyg­ry­ýe­ti ba­bat­da aý­da­ny­myz­da, ol gi­den bir um­man bo­lup, ony dün­ýä jem­gy­ýet­çi­li­gi­ne ýe­tir­mek ug­run­da giň­den ta­gal­la edil­ýär. Şo­nuň üçin akyl­dar şa­hy­ry­my­zyň ýu­bi­leý ýy­ly­na çen­li «Mag­tym­gu­ly Py­ra­gy­nyň en­sik­lo­pe­di­ýa­sy­nyň» dö­redil­me­giniň hem-de san­ly we ne­şir gör­nü­şin­dä­ki «Mag­tym­gu­ly Py­ra­gy di­wa­ny­nyň» taý­ýar­la­nma­gy­nyň çuň­ňur ma­ny­sy bar­dyr.
Be­ýik akyl­da­ry­my­zy hor­mat­lap, her ýyl ýur­du­myz­da Me­de­ni­ýet we sun­gat iş­gär­le­ri­niň hem-de Mag­tym­gu­ly Py­ra­gy­nyň şyg­ry­ýet gü­ni giň­den bel­le­nil­ýär. Me­de­ni­ýet, sun­gat akyl­dar şa­hy­ryň öç­mez-ýit­mez eser­le­ri asyr­la­ryň do­wa­myn­da hal­ky­my­zyň ru­hy mi­ra­sy­na öw­rü­lip gel­di. Şo­nuň üçin bu baý­ram­çy­lyk türk­men mil­li mi­ra­sy­nyň hem-de me­de­ni­ýe­ti­niň ro­waç­lan­ma­gy hök­mün­de ka­bul edil­ýär.
Bil­şi­miz ýa­ly, türk­men hal­ky­nyň be­ýik akyl­da­ry Mag­tym­gu­ly Py­ra­gy hal­ky­my­zyň asu­da, pa­ra­hat hem-de ag­zy­bir dur­muş­da ýa­şa­ma­gy ug­run­da gö­re­şen türk­men şa­hyr­la­ry­nyň bi­ri­dir. Ol bu ba­ra­da en­çe­me goş­gu­la­ry ýa­zyp, gym­mat­ly gol­lan­ma hök­mün­de gal­dy­ryp gi­dip­dir. Mag­tym­gu­ly Py­ra­gy­nyň ar­zuw­la­ry we pi­kir­le­ri Ber­ka­rar döw­le­ti­mi­ziň bag­ty­ýar­lyk döw­rün­de hormat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da ýur­du­myz­da ama­la aşy­ryl­ýan be­ýik öz­gert­me­ler bi­len saz­laş­ýar.
Be­ýik akyl­da­ryň dö­re­di­ji­lik ýo­ly, pä­him-paý­ha­sa ýug­ru­lan goş­gu­la­ry, ili ag­zy­bir­li­ge, wa­tan­sö­ýü­ji­li­ge ça­gyr­ýan öwüt-ün­dew şy­gyr­la­ry bi­ziň şu gün­le­ri­mi­ze ge­lip ýet­mek bi­len, hä­zi­re çen­li bir­nä­çe ede­bi­ýat­çy­lar ta­ra­pyn­dan öw­re­nil­ýär. Şa­hy­ryň her bir se­ti­ri çuň ma­na ýug­ru­lan şy­gyr­la­ry­ny oka­nyň­da, onuň il­ki bi­len bir il bol­mak, ag­zy­bir bol­mak ug­run­da ta­gal­la eden­di­gi­ni gör­mek bol­ýar.
Mag­tym­gu­ly Py­ra­gy il-gü­nü­ni, Wa­ta­ny­ny di­ňe bir söý­mek bi­len çäk­len­män, onuň öz­baş­dak­ly­gy­ny sak­la­mak, ge­rek bol­sa ja­ny­ňy gur­ban et­mek ýa­ly wa­tan­çy­lyk pi­kir­le­ri hem öňe sü­rüp­dir. Şo­nuň üçin ol her ýi­gi­diň eder­men­li­gi­ni, mert­li­gi­ni Wa­ta­nyň, il-hal­kyň bäh­bi­di bi­len iç­gin bag­la­nyş­dyr­ýar. Şu jä­het­den, ol hal­kyň er­kin dur­mu­şy ug­run­da gaý­rat­ly gö­re­şen ýi­git­le­ri wasp edip, ga­ra ne­bis­le­ri­ne hyz­mat eden na­mart­la­ry, gor­kak­la­ry bol­sa pug­ta ýaz­gar­ýar.
Gah­ry­man Ar­ka­da­gy­my­zyň sa­ýa­syn­da Ber­ka­rar döw­le­ti­mi­ziň bag­ty­ýar­lyk döw­rün­de nus­ga­wy şa­hyr­la­ry­myz tir­se­gi­ne gal­dy­ryl­dy. Mu­nuň şeý­le­di­gi­ni ede­bi­ýat meý­da­ny­nyň saý­rak bil­bi­li Mag­tym­gu­ly Py­ra­gy­nyň şyg­ry­ýet gü­ni my­na­sy­bet­li ge­çi­ril­ýän baý­ram­çy­lyk çä­re­le­ri, dür­li dö­re­di­ji­lik du­şu­şyk­la­ry hem aý­dyň su­but ed­ýär. Mil­li mi­ra­sy­my­zy hem-de baý şyg­ry­ýet dün­ýä­mi­zi giň­den wa­gyz et­mä­ge müm­kin­çi­lik­ler dö­red­ýän mil­li Liderimize ho­şal­lyk bil­dir­ýä­ris.

Ys­lamberdi TYL­LA­NU­ROW,
Türk­men döw­let bi­na­gär­lik-gur­lu­şyk ins­ti­tu­ty­nyň uly mu­gal­ly­my.

Gyzykly bolup bilerЕЩЕ ОТ АВТОРА