Hormatly Prezidentimiziň başlangyjy boýunça oba hojalygynda amala aşyrylýan özgertmeleriň netijesinde, pudak ösüşiň täze derejesine çykdy. Ýurdumyzyň obasenagat toplumynyň düzümleri hem-de hyzmat edýän pudaklar tehniki taýdan enjamlaşdyrylýar, döwrebaplaşdyrylýar, täze özleşdirilýän ýerler üçin suw hojalyk desgalary gurulýar, pudagyň maddy-enjamlaýyn binýadyny pugtalandyrmak babatda dünýäniň öňdebaryjy önüm öndürijileriniň ýerli toprak, howa şertlerine laýyk gelýän ýokary öndürijilikli tehnikalary yzygiderli satyn alynýar. Munuň özi ýaz ekişiniň bellenilen möhletlerde geçirilmegine hem-de bereketli hasylyň ýetişdirilmegine mümkinçilik döredýär.

Di­ýa­ry­myz­da mö­hüm oba ho­ja­lyk möw­sü­mi bo­lan go­wa­ça eki­şi baş­lan­dy. Hor­mat­ly Pre­zi­den­ti­mi­ziň 17-nji mart­da san­ly ul­gam ar­ka­ly ge­çi­ren Mi­nistr­ler Ka­bi­ne­ti­niň no­bat­da­ky mej­li­sin­de bel­län möh­let­le­ri­ne la­ýyk­lyk­da, Ahal, Bal­kan, Le­bap we Ma­ry we­la­ýat­la­ry­nyň pag­ta­çy­la­ry 24-nji mart­da, Da­şo­guz we­la­ýa­ty­nyň daý­han­la­ry bol­sa 29-njy mart­da go­wa­ça eki­şi­ne baş­la­dy­lar.
Asyl­ly dä­be gö­rä, we­la­ýat­lar­da go­wa­ça eki­şi­ne hor­mat­ly ýa­şu­lu­la­ryň «Bis­mil­la­sy» bi­len gi­ri­şil­di. Be­ýik Bi­ri­bar­dan aba­dan­çy­lyk, mäh­ri­ban Wa­ta­ny­my­zyň gül­läp ös­me­gi, döw­let Baş­tu­ta­ny­my­zyň döw­let­li tu­tum­la­ry­nyň ro­waç al­ma­gy di­leg edi­lip, meý­dan­la­ra go­wa­ça to­hum­la­ry se­pil­di. Soň­ra me­ha­ni­za­tor­lar uly hy­juw bi­len işe gi­riş­di­ler. Ekiş möw­sü­min­de eki­ji teh­ni­ka­la­ryň gu­rat­ly­gy­ny ga­zan­mak üçin et­rap­lar­da abat­laý­jy, saz­laý­jy hü­när­men­ler­den yba­rat to­par­lar dö­re­dil­di. Olar göç­me us­sa­ha­na­lar, ze­rur en­jam­lar we ýan­gyç da­şa­ma­ga ni­ýet­le­nen aw­tou­lag­lar bi­len üp­jün edil­di.
Şu ýyl ýur­du­myz bo­ýun­ça 580 müň gek­ta­ra go­wa­ça eki­ler. Go­wa­ça ös­dü­rip ýe­tiş­dir­mek­de oba ho­ja­lyk äh­mi­ýet­li ýer gaz­na­syn­dan ýer bö­lek­le­ri­ni alan hu­su­sy önüm ön­dü­ri­ji­le­riň ýur­du­my­zyň oba­se­na­gat top­lu­my­nyň kuw­wat­lyk­la­ry­ny art­dyr­mak­da ýyl-ýyl­dan iş­jeň­lik gör­kez­ýän­dik­le­ri­ni bel­le­me­li. Ekiş möw­sü­mi­ne çen­li pag­ta­nyň saý­la­ma to­hu­my saý­la­nyp alyn­dy. Or­ta sü­ýüm­li go­wa­ça to­hu­my­nyň saý­la­ma gör­nüş­le­ri ýur­du­my­zyň äh­li we­la­ýat­la­ryn­da ýe­tiş­di­ril­ýär. Şo­la­ryň ha­ta­ryn­da «Ýo­lö­ten-7», «Ýo­lö­ten-39», «Jeý­hun», «S-2606», «Da­şo­guz-120», «Da­şo­guz-114», «Gu­ba­dag-3», «149-F» ýa­ly go­wa­ça­nyň tiz ýe­tiş­ýän, ýo­ka­ry ha­syl­ly aras­sa gör­nüş­le­ri­ne aý­ra­tyn äh­mi­ýet be­ril­di. Go­wa­ça­nyň in­çe sü­ýüm­li «Ýo­lö­ten-14» gör­nü­şi top­rak-ho­wa şert­le­ri­ne la­ýyk­lyk­da, Ahal we Ma­ry we­la­ýat­la­ryn­da eki­ler.
Pag­ta­çy­lyk pu­da­gy da­şa­ry ýurt­lar­dan ge­ti­ril­ýän ha­ryt­la­ryň or­nu­ny tut­ýan önüm­çi­lik­le­ri we ýur­du­my­zyň eks­port kuw­wat­lyk­la­ry­ny art­dyr­mak bo­ýun­ça döw­let mak­sat­na­ma­la­ry­nyň ama­la aşy­ryl­ma­gy­ny üp­jün ed­ýän oba­se­na­gat top­lu­my­nyň esa­sy pu­dak­la­ry­nyň bi­ri­dir. Bu pu­dak­da giň möç­ber­li öz­gert­me­le­riň dur­mu­şa ge­çi­ril­me­gi esa­syn­da oba­se­na­gat top­lu­my­nyň ne­ti­je­li­li­gi ýo­kar­lan­ýar.

Şeý­le­lik­de, top­lu­my in­že­ner­çi­lik-teh­ni­ki taý­dan üp­jün et­mek me­se­le­le­ri tä­ze­çil usul­da çö­zül­ýär, ýur­du­my­zyň top­rak-ho­wa şert­le­ri­ne la­ýyk gel­ýän, tä­ze gör­nüş­dä­ki kuw­wat­ly teh­ni­ka­lar sa­tyn alyn­ýar.
Eke­ran­çy­lyk meý­dan­la­ry­nyň su­wa­ryş ul­ga­my­nyň kä­mil­leş­di­ril­me­gi­ne, to­hum­çy­ly­gyň we bu ug­ra de­giş­li yl­my bar­lag­la­ryň ös­dü­ril­me­gi­ne köp muk­dar­da ma­li­ýe se­riş­de­le­ri goý­be­ril­ýär. Pag­ta­ny gaý­ta­dan iş­le­ýän se­na­gat döw­re­bap­laş­dy­ry­lyp, se­bit­ler­de hä­zir­ki za­man pag­ta aras­sa­laý­jy kär­ha­na­la­ry gu­rul­ýar. Oba ho­ja­lyk ul­ga­my­ny san­ly­laş­dyr­mak, ýer­le­ri iş­läp taý­ýar­la­ma­gyň tä­ze­çil usul­la­ry­ny, öň­de­ba­ry­jy ag­ro­teh­no­lo­gi­ýa­la­ry or­naş­dyr­mak, daý­han bir­le­şik­le­ri­niň, daý­han ho­ja­lyk­la­ry­nyň we beý­le­ki önüm ön­dü­ri­ji­le­riň gir­de­ji­le­ri­ni ýo­kar­lan­dyr­mak, kä­ren­de gat­na­şyk­la­ry­ny kä­mil­leş­dir­mek bo­ýun­ça anyk çä­re­ler dur­mu­şa ge­çi­ril­ýär.
Ag­ro­se­na­gat top­lu­my­na san­ly elektron
ul­ga­my­ny hem-de ba­zar gat­na­şyk­la­ry­ny iş­jeň or­naş­dyr­mak, pu­dak­da hu­su­sy­ýet­çi­le­riň eýe­le­ýän or­nu­ny yzy­gi­der­li art­dyr­mak hem he­mi­şe üns mer­ke­zin­de sak­lan­ýar. To­hu­my­ňyz müň­le­sin, ýy­ly­ňyz rys­gal­ly bol­sun, eder­men pag­ta­çy­lar!

Tä­ze­gül MU­HAM­MET­GU­LY­ÝE­WA,
S.A.Ny­ýa­zow adyn­da­ky Türk­men oba ho­ja­lyk uni­wer­si­te­ti­niň uly mu­gal­ly­my.

Gyzykly bolup bilerЕЩЕ ОТ АВТОРА