Ir za­man­lar­da bir go­ja ba­gy-bos­san­ly­ga bü­re­nen how­lu­sy­nyň bir kün­jün­dä­ki öýün­de ýa­şa­ýan eken. Hu­syt­lyk­da ýa­ka­sy­ny ta­na­dan bu go­ja ga­za­nan pul­la­ry­ny al­ty­na öw­rüp, how­lu­sy­nda­ky uly da­şyň as­tyn­da giz­läp go­ýup­dyr. Ol her gi­je ýat­ma­zyn­dan öň da­şy gal­dy­ryp, al­tyn­la­ry­ny sa­nap, ýe­ne-de üs­tü­ni mä­käm ýap­ýan eken. Gün­le­riň bir gü­ni bu ýag­daý gi­jä­niň ümüş-tam­şyn­da go­ja­nyň how­lu­sy­nyň tö­we­re­gin­de ygyp ýö­ren bir og­ry­nyň ün­sü­ni çek­ýär. Og­ry il ýa­typ, it uk­lan­soň häl­ki da­şy gal­dy­ryp, al­tyn­la­ryň ba­ry­ny hal­ta­sy­na gap­ga­ryp, ol ýer­den ga­ra­sy­ny saý­la­ýar.
Er­te­si gi­je go­ja al­tyn­la­ry­ny sa­na­ma­ga ba­ran­da, ola­ryň ýok­du­gy­ny gö­rüp, uly ili bi­len ses edip ag­lap baş­la­ýar. Onuň se­si­ne al­la­ni­çik­si bo­lan goň­şu­sy aty­lyp daş çyk­ýar-da, «Goň­şy, eý­gi­lik­mi­dir!» di­ýip gy­gyr­ýar. Go­ja bo­lan ýag­da­ýy goň­şu­sy­na gür­rüň ber­ýär. Şon­da goň­şu­sy:
– Sen nä­me üçin al­tyn­la­ry­ňy öýüň­de sak­la­ma­dyň? Öý­de dur­sa has yg­ty­bar­ly bol­maz­dy­my nä­me! On­so­ňam el­ýe­ter ýer­de dur­sa ge­rek wag­ty so­wal­ga­ňy aň­sat alyp bi­ler­diň ahy­ryn! – di­ýip­dir.
Hu­syt go­ja ör-gök­den ge­lip:
– Sen nä­mä­niň gür­rü­ňi­ni ed­ýäň. Men o al­tyn­la­ry sa­ga-so­la dar­gat­mak üçin ýyg­na­ma­dym – di­ýip, kes-kel­läm gar­şy çy­kyp­dyr. Mu­ňa geň ga­lan goň­şu­sy:
– Beý­le bol­sa, al­ty­na de­rek daş sak­laý­ma­ly eke­niň-dä. Daş­la­ry­ňam se­niň so­wup bil­me­jek al­ty­nyň­dan ta­pa­wu­dy ýok – di­ýip, pert jo­gap be­rip­dir.

Eliň­dä­ki müm­kin­çi­li­giň gym­ma­ty ony ula­nyp bil­şi­ňe bag­ly­dyr.

Gyzykly bolup bilerЕЩЕ ОТ АВТОРА