Aras­sa­çy­lyk işleri geçirilende ýerine ýetirilmeli düz­gün­le­r

Aras­sa­çy­lyk düz­gün­le­ri­ni he­mi­şe berk ber­jaý et­mek örän wa­jyp­dyr. Ulu­dan-ki­çä äh­li ýaş­da­ky adam­lar el-ýü­zü­ni ýuw­ma­gy, her gün wagt­ly-wag­tyn­da di­şi­ni ýuw­ma­gy, ýa­şa­ýan ota­gy­ny, iş sto­lu­ny aras­sa­la­ma­gy en­dik edin­me­li­dir. Her bir ada­myň şah­sy aras­sa­çy­ly­gy­ny ber­jaý et­me­gi bir­nä­çe ke­se­liň öňü­ni al­ma­ga ýar­dam ed­ýär. Eý­sem, aras­sa­çy­lyk işleri berjaý edi­len­de nä­me­le­re üns be­ril­me­li, ni­re­de haý­sy aras­sa­çy­lyk se­riş­de­le­ri­ni ulan­ma­ly?
Ho­wa­nyň gyz­ma­gy bi­len aras­sa­çy­ly­ga has köp üns ber­lip baş­lan­ýar. Tu­tu­lar aý­ry­lyp, aý­na­nyň öňün­dä­ki otag ösüm­lik­le­ri we öý goş­la­ry bir gy­ra süý­şü­ri­lip, düýp­li arassa­lanýar. Bu işleriň he­mi­şe ýo­kar­dan aşak­ly­gy­na ýerine ýetiril­me­li­di­gini unu­t­ma­ly däl. Şeý­le­lik­de, aras­sa­la­nan ýer gaý­ta­dan ha­pa­lan­ma­ýar. Kä­bir teg­mil de­gen eşik­le­ri ýa-da per­de­le­ri aras­sa­çy­lyk se­riş­de­si­ne ýa­tyr­ma­ly bol­sa­ňyz, wagt ýi­tir­mez­lik üçin bu işi il­ki ýe­ri­ne ýe­tir­me­li. Şeý­le­lik­de, siz işi­ňi­zi ed­ýän wag­ty­ňyz teg­mil çö­zü­ler.
Eger kir ýa-da gap-gaç ýu­wu­jy ma­şy­ny­ňyz go­wy ne­ti­je ber­me­ýän bol­sa, il­ki şo­la­ry aras­sa­laň! Ýu­wu­jy ma­şyn­la­ryň süz­gü­ji bar bol­sa ma­hal-ma­hal aras­sa­lap du­r­ma­ly. Şeý­le hem ýu­wu­jy ma­şyn­la­ry aras­sa­la­ýan se­riş­de­ler­den peý­da­lan­ma­ly.
Aras­sa­çy­lyk iş­le­ri ge­çi­ri­len­de, haý­sy se­riş­dä­ni ni­re­de ulan­ma­ly­dy­gy­ny bil­mek işi­ňi­zi ýe­ňil­leş­di­rer. Aý­na, me­bel, ýag, pos we mik­rob­la­ry aras­sa­la­mak üçin aý­ra­tyn­lyk­da ýö­ri­te ni­ýet­le­nen se­riş­de­ler­den peý­da­lan­ma­ly. Aras­sa­çy­lyk se­riş­de­le­ri­ni bi­ri-bi­ri­ne ga­ryş­dyr­mak mas­la­hat be­ril­me­ýär. Şeý­le ýag­daý­da aras­sa­çy­lyk se­riş­de­si dem alyş ýol­la­ry­na zy­ýan ýe­ti­rip bil­ýär. Aras­sa­çy­lyk işleri edi­len­den soň­ra otag­lar ýe­le­ji­re­dil­me­li.

Seý­di TAÝ­LY­ÝEW,
Görogly etrabynyň Arassaçylyk we keselleriň ýaýramagyna garşy göreşmek gullugynyň keselleriň ýaýramagyna garşy göreşmek bölüminiň lukman-epidemiology.