Hem­me­le­riň, esa­san hem, ça­ga­la­ryň sa­byr­syz­lyk bi­len ga­raş­ýan Tä­ze ýyl baý­ram­çy­ly­gy ýe­tip ge­lýär. Tä­ze ýyl owa­dan be­zeg­le­ri, öw­şün at­ýan çy­ra­la­ry bi­len beý­le­ki baý­ram­çy­lyk­lar­dan ta­pa­wut­lan­ýar. Aýaz­ba­ba, Gar­pa­myk, gar adam gyş pas­ly­nyň ny­şa­ny bo­lan bu baý­ram­çy­ly­gyň gah­ry­man­la­ry ha­sap­lan­ýar. Baý­ram­çy­lyk gün­le­rin­de öý­ler­de ar­ça­lar be­ze­lip, yşyk­lar öw­şün at­ýar. Eý­sem, Tä­ze ýyl baý­ram­çy­ly­gy üçin nä­hi­li şe­kil­le­ri we be­zeg­le­ri ýa­sap bi­le­ris?!
Siz ka­gyz­dan toz­ga­jyk, ar­ça­jyk, reňk­li çy­ra­jyk, şar­ja­gaz we sowgatlyk gutulary ýa­sap gör­dü­ňiz­mi?! Ge­liň, ka­gyz­dan dür­li be­zeg­le­ri ýa­sa­ma­gy öw­re­ne­liň!

Ar­ça­jyk. Ar­ça­jy­gy ýa­sa­mak üçin reňk­li ka­gyz, gaý­çy, çyz­gyç we ga­lam ge­rek. Il­ki bi­len ka­gy­zyň ini bo­ýu­ny deň­läp, dört­burç­luk gör­nü­şin­de gyrk­ma­ly. Soň­ra ka­gy­zyň burç­la­ry­ny bir­leş­di­rip, ata­nak­la­ýyn şe­kil­de ep­le­me­li. Ka­gy­zyň ga­ty açy­lan­da 4 sa­ny üç­burç­lu­k eme­le ge­ler. Soň­ra ka­gy­zyň mer­ke­zin­de burç eme­le ge­ti­rip, üç­burç­luk­la­ry iç-içi­ne ep­läp, burç­la­ry mä­käm gys­ma­ly. Burç­la­ryň sa­ny 8-e ýe­ten­den soň, ýe­ne-de burç­la­ry bir­leş­di­rip, iç-içi­ne ep­le­me­li. Iki ta­ra­pyň her­sin­de 4 üç­burç­luk eme­le ge­len­den soň, ka­gy­zy go­wy edip ba­syp, aşa­gy­ny deň­läp gyrk­ma­ly. Gör­ýän bol­sa­ňyz, ar­ça meň­zeş şe­kil eme­le gel­di. In­di ar­ça­nyň her ta­ra­pyny şa­ha­la­ry ýa­sa­mak üçin ker­tik-ker­tik edip ga­lam bi­len çyz­ma­ly. Soň­ra çy­zyk­la­ry yzar­lap kes­me­li. Ka­gy­zyň her ga­ty­nyň ara­sy­ny bir-bir­den açyp, aga­ja meň­zet­me­li. Ine-de ar­ça­myz taý­ýar bol­dy. Ar­ça­nyň şa­ha­la­ry­ny gyrk­man, ker­tik­le­ri aşak ep­läp hem bi­ler­si­ňiz.
Toz­ga­jyk. Gar toz­ga­jyk­la­ry­ny dür­li gör­nüş­de taý­ýar­lap bol­ýar. Mu­nuň üçin ak ka­gyz we gaý­çy ge­rek. Il­ki bi­len ka­gy­zy äh­li ta­ra­py deň bo­lan dört­burç­luk gör­nüş­de kes­me­li. Soň­ra ka­gy­zyň iki bur­çu­ny bi­ri-bi­ri­niň üs­tü­ne go­ýup, berk ep­le­me­li. Eme­le ge­len üç­burç­lu­gyň iki bur­çu­ny bir­leş­di­rip, ýe­ne-de ep­le­meli. Eme­le ge­len üç­burç­lu­gy ýaň­ky yzy­gi­der­lik­de gaý­ta­dan ep­läp, aşa­gy­ny te­ge­läp kes­me­li. Soň­ra ka­gy­zyň gap­dal gy­ra­la­ry­ny ker­tik-ker­tik gör­nü­şin­de gyrk­ma­ly. Ka­gy­zy is­le­gi­ňi­ze gö­rä, dür­li şe­kil­de ke­sip bi­ler­si­ňiz. Gör­şü­ňiz ýa­ly, gar toz­ga­jy­gy­ hem taý­ýar bol­dy. In­di ka­gy­zy do­ly gör­nüş­de açyp, toz­ga­jy­gyň epin­le­ri­ni aýyr­mak üçin ki­ta­byň ýa-da agyr za­dyň aşagynda go­ýaý­ma­ly.
Şar­ja­gaz. Bu owa­dan be­ze­gi ýa­sa­mak üçin reňk­li ka­gyz, ýe­lim, gaý­çy we ýüp­ja­gaz ge­rek. Il­ki bi­len ka­gy­zy in­çe gör­nüş­de zo­lak-zo­lak kes­me­li. Zo­lak­lar nä­çe uzyn bol­sa, şar­ja­gaz hem şon­ça-da uly bo­lar. Şol se­bäp­li öl­çe­gi is­le­gi­ňi­ze gö­rä öňün­den kes­git­läň! Soň­ra 4 sa­ny ke­si­len ka­gyz bö­le­gi­niň mer­ke­zi­ni bel­läp, ola­ry ýyl­dyz­jyk gör­nü­şin­de ýel­me­me­li. On­dan soň­ra ýyl­dyz­jy­gyň uju­ny bi­ri-bi­ri­niň üs­tü­ne go­ýup, deň de­re­je­de ýel­me­me­li. Ine, baý­ram­çy­lyk şar­ja­ga­zy taý­ýar bol­dy. Eger-de bu usul­da taý­ýar­la­mak kyn bol­sa, ýö­ne­keý usul­da hem şar­ja­gaz ýa­sap bi­ler­si­ňiz. Munuň üçin il­ki bi­len ke­si­len ka­gyz bö­lek­le­ri­niň her­si­niň uju­ny bi­ri-bi­ri­ne ga­bat ge­ti­rip ýel­me­me­li. Ka­gyz bö­lek­le­ri te­ge­lek gör­nüş­de taý­ýar bo­lan­soň, 4 sa­ny hal­ka­ny reň­ki­ne gö­rä ata­nak­la­ýyn we gy­tak­la­ýyn gör­nüş­de ýe­ne-de ýel­me­me­li. Eger ka­gyz­lar gy­şyk ýel­men­se, şe­ki­li­ňiz owa­dan bol­maz. Şol se­bäp­li bu ýer­de üns ber­me­li zat hal­ka­ly ka­gyz­la­ryň mer­kez­le­ri­niň bi­ri-bi­ri­ne ga­bat gel­me­gi­dir. Gör­şü­ňiz ýa­ly, şar­ja­gaz­lar taý­ýar bol­dy. In­di ola­ryň arasyndan ýüp­ja­gaz­la­ry ge­çi­rip, asaý­mak gal­ýar.
Sow­gat­lyk gu­tu­la­r. Ar­ça­nyň ýa­nyn­da go­ýul­ýan sow­gat­lyk gu­tu­la­ry­ny taý­ýar­la­mak üçin boş ka­gyz gu­tu­lar, reňk­li ka­gyz­lar, len­ta­jyk, gaý­çy we ýe­lim ge­rek. Il­ki bi­len ka­gyz gu­ty­ny berk ýa­pyp, ýe­lim ça­lyp, da­şy­ny reňk­li ka­gyz­lar bi­len ört­me­li. Soň­ra gu­ty­nyň da­şy­na len­ta aý­lap, owa­dan bag­jyk ýa­sa­ma­ly. Gör­şü­ňiz ýa­ly, sow­gat­lyk gu­ty­myz hem taý­ýar bol­dy. Sow­gat­lyk gu­tu­la­ryň öl­çe­gi we reň­ki is­le­ge gö­rä dür­li gör­nüş­de bo­lup, şe­kil­li we na­gyş­ly ka­gyz­la­ry hem ula­nyp bi­ler­si­ňiz. Bu gu­tu­la­ra is­le­ge gö­rä baý­ram­çy­lyk gut­lag­la­ry­ny hem ýa­zyp, da­şy­na ýa­san gar toz­ga­jyk­la­ry­ňy­zy hem ýel­mäp bi­ler­si­ňiz.

Gyzykly bolup bilerЕЩЕ ОТ АВТОРА