Hor­mat­ly Pre­zi­den­ti­mi­ziň baş­tu­tan­ly­gyn­da ýur­du­myz dep­gin­li we yzy­gi­der­li da­şa­ry sy­ýa­sat stra­te­gi­ýa­sy­ny dur­mu­şa ge­çir­ýär hem-de hal­ka­ra gat­na­şyk­lar ul­ga­myn­da my­na­syp orun eýe­le­ýär. Ýur­du­my­zyň äh­lu­mu­my we se­bit­le­ýin geo­sy­ýa­sat­da mö­hüm äh­mi­ýe­te eýe bo­lan hal­ka­ra ab­ra­ýy do­wam­ly pug­ta­lan­dy­ryl­ýar. Türk­men döw­le­ti dün­ýä­niň äh­li ýurt­la­ry bi­len deň­hu­kuk­ly we öza­ra bäh­bit­li hyz­mat­daş­ly­gyň dur­mu­şa ge­çi­ril­me­gi­ne esas­lan­ýan gat­na­şyk­la­ryň ös­dü­ril­me­gi­niň ta­rap­da­ry bo­lup çy­kyş ed­ýär.
Türk­me­nis­tan we Tür­ki­ýe baý ta­ry­hy hem-de me­de­ni mi­ra­sy bo­lan ýurt­lar­dyr. Türk­men hem türk halk­la­ry­nyň öň­den gel­ýän dost­lukly gat­na­şyk­la­ry ta­ry­hy-me­de­ni däp­le­ri­niň umu­my­lyk­la­ry, söw­da we yn­san­per­wer gat­na­şyk­la­ry, hä­zir­ki dö­wür­de bol­sa ga­ra­ýyş­la­ry­nyň meň­zeş­di­gi bi­len bag­la­ny­şyk­ly­dyr. Häzirki wagtda döw­let­le­riň iki­si-de pa­ra­hat­çy­lyk sö­ýü­ji­lik­li da­şa­ry sy­ýa­sa­ty dur­mu­şa ge­çir­ýär­ler, äh­lu­mu­my asu­da­lyk we howp­suz­lyk ýö­rel­ge­le­ri­ne, şeý­le hem dur­muş-yk­dy­sa­dy ösü­şe berk yg­rar­ly­dyk­la­ry­ny gör­kez­ýär­ler.
Hor­mat­ly Pre­zi­den­ti­mi­ziň 25-26-njy okt­ýabr­da Tür­ki­ýe Res­pub­li­ka­sy­na ama­la aşy­ran il­kin­ji res­mi sa­pa­ry türk­men-türk gat­na­şyk­la­ry­nyň has-da pug­ta­lan­dyryl­ma­gy­nyň Tür­ki­ýe Res­pub­li­ka­sy­nyň mil­li baý­ra­my­nyň 100 ýyl­ly­gy­nyň öňü­sy­ra­syn­da türk­men-türk dost­lu­gy­nyň mi­ze­mez­di­gi­niň no­bat­da­ky ny­şa­ny­na öw­rül­di.
Iki ýurduň ara­syn­da­ky dip­lo­ma­tik gat­na­şyk­lar 1992-nji ýy­lyň 29-njy few­ra­lyn­da ýo­la go­ýul­dy. Ge­çen döwür­de iki ýur­duň ara­syn­da giň ge­rim­li öza­ra he­re­ket­le­riň baý hem oňyn tej­ri­be­si top­la­nyl­dy. Onuň esa­sy­ny döw­le­ta­ra, hö­kü­me­ta­ra we pu­da­ga­ra de­re­je­ler­de gol çe­ki­len hem-de hyz­mat­daş­ly­gyň wa­jyp ugur­la­ry­ny öz içi­ne al­ýan iki­ta­rap­la­ýyn şert­na­ma-hu­kuk res­mi­na­ma­la­ry­nyň giň top­lu­my düz­ýär. Şu ge­zek­ki sa­pa­ryň çäk­le­rin­de gol çe­ki­len 13 yla­la­şyk hem iki ýur­duň şert­na­ma­la­ýyn-hu­kuk bin­ýa­dy­nyň üs­tü­ni ýe­tir­di.
Türk­me­nis­ta­nyň we Tür­ki­ýe Res­pub­li­ka­sy­nyň Li­der­le­ri­niň ara­syn­da­ky ýo­ka­ry de­re­je­dä­ki ne­ti­je­li gep­le­şik­ler iki­ta­rap­la­ýyn hyz­mat­daş­ly­gyň ugur­la­ry­ny has ber­kit­di, gat­na­şyk­la­ryň tä­ze ugur­la­ry­ny kes­git­le­di. Dür­li de­re­je­ler­dä­ki sy­ýa­sy gep­le­şik­ler bi­len bir ha­tar­da ta­rap­lar söw­da-yk­dy­sa­dy gat­na­şyk­la­ryň gi­ňel­dil­me­gi­ne we me­de­ni-yn­san­per­wer ugurda hyz­mat­daş­ly­gyň mun­dan beý­läk hem çuň­laş­dy­ryl­ma­gy­na yg­rar­ly­dyk­la­ry­ny gör­kez­ýär­ler. Şu­nuň bi­len bag­ly­lyk­da, Yk­dy­sa­dy hyz­mat­daş­lyk bo­ýun­ça bi­le­lik­dä­ki türk­men-türk hö­kü­me­ta­ra to­pa­ry­nyň alyp bar­ýan iş­le­ri iki­ta­rap­la­ýyn söw­da-yk­dy­sa­dy hyz­mat­daş­ly­gyň ile­ri tu­tul­ýan ugur­la­ry­ny ka­da­laş­dyr­ýan ul­gam bo­lup hyz­mat ed­ýär.
Türk­men-türk söw­da gat­na­şyk­la­ry­nyň möç­be­ri­ni 5 mil­liard dol­la­ra ýe­tir­mek mak­sat edi­nil­ýär. 2022-nji ýyl­da söw­da do­la­ny­şy­gy­nyň möç­be­ri 2,1 mil­liard dol­la­ra ba­ra­bar bo­lan bol­sa, 2023-nji ýyl­da bu gör­ke­zi­ji­niň 3 mil­liard dol­la­ra go­laý­la­ma­gy­na ga­ra­şyl­ýar. Şeý­le hem Türk­me­nis­tan türk pot­rat­çy­lyk kom­pa­ni­ýa­la­ry­nyň iň köp iş alyp ba­ran ýur­du­dyr. Hä­zir­ki wag­ta çen­li türk kom­pa­ni­ýa­la­ry­nyň Türk­me­nis­tan­da­ky tas­la­ma­la­ry­nyň möç­be­ri 50 mil­liard dol­lar­dan geç­di. Türk kom­pa­ni­ýa­la­ry Türk­me­nis­tan­da 2 mü­ňe go­laý dür­li tas­la­ma­la­ry ama­la aşyr­dy. Iki ýur­duň hu­su­sy pu­da­gy­nyň ara­syn­da­ky hyz­mat­daş­ly­gyň hem ös­dü­ril­me­gi­ne aý­ra­tyn äh­mi­ýet be­ril­ýär. Şo­nuň ne­ti­je­sin­de şu ge­zek­ki sa­pa­ryň çäk­le­rin­de Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si bi­len Tür­ki­ýe Res­pub­li­ka­sy­nyň Ki­çi we or­ta kär­ha­na­la­ry ös­dür­mek we gol­daw ber­mek ba­ra­da­ky gu­ra­ma­sy­nyň ara­syn­da He­re­ket­le­riň me­ýil­na­ma­sy­na gol çe­kil­me­gi bu gat­na­şyk­la­ryň has-da ös­dü­ril­me­gi üçin bin­ýat bol­dy. Türk­me­nis­tan we Tür­ki­ýe Res­pub­li­ka­sy Bir­le­şen Mil­let­ler Gu­ra­ma­sy­nyň çäk­le­rin­de hem ne­ti­je­li öza­ra he­re­ket et­mek ar­ka­ly, hä­zir­ki döw­rüň wa­jyp me­se­le­le­ri bo­ýun­ça ga­ra­ýyş­la­ry­nyň umu­my­ly­gy­ny ýa-da meň­zeş­li­gi­ni gör­kez­ýär­ler. Soň­ky ýyl­lar­da ýurdumyz dün­ýä sy­ýa­sa­ty­nyň gün ter­ti­bi­niň mö­hüm me­se­le­le­ri, şol san­da ener­ge­ti­ka howp­suz­ly­gyny üp­jün et­mek, ulag-lo­gis­tik ul­ga­my ös­dür­mek, daş­ky gur­şa­wy go­ra­mak, söw­da-yk­dy­sa­dy gat­na­şyk­la­ry pug­ta­lan­dyr­mak ýa­ly mö­hüm ugur­larda hal­ka­ra baş­lan­gyç­lar bi­len yzy­gi­der­li çy­kyş ed­ýär.
Türk­me­nis­ta­nyň we Tür­ki­ýä­niň se­bi­tiň ösü­şi bi­len bag­ly me­se­le­ler bo­ýun­ça hyz­mat­daş­ly­gy ile­ri tu­tul­ýan ugur­la­ryň bi­ri­dir. Şun­da Tür­ki Döw­let­le­riň Gu­ra­ma­sy­na hem aý­ra­tyn äh­mi­ýet be­ril­ýär. Iş­jeň türk­men-türk gat­na­şyk­la­ry­nyň my­sa­ly hök­mün­de iki ýur­duň Ys­lam Hyz­mat­daş­lyk Gu­ra­ma­sy­nyň çäk­le­rin­dä­ki öza­ra he­re­ket­le­ri­ni hem gör­kez­mek bo­lar.

Ýa­ran AK­MÄM­ME­DOW,
Türk­me­nis­ta­nyň In­že­ner-teh­ni­ki we ulag kom­mu­ni­ka­si­ýa­la­ry ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА