18-nji mart­da ýur­du­myz­da köp­çü­lik­le­ýin na­hal ek­mek da­ba­ra­sy­nyň ýaz­ky möw­sü­mi­ne ba­dal­ga be­ril­di. Hor­mat­ly Pre­zi­den­ti­mi­ziň de­giş­li Ka­ra­ry­na la­ýyk­lyk­da, ýur­du­myz­da eko­lo­gi­ýa aba­dan­çy­ly­gy­ny üp­jün et­mek we to­kaý zo­lakla­ry­nyň çä­gi­ni gi­ňelt­mek mak­sa­dy bi­len, şu ýyl dür­li bag­la­ryň we üzü­miň je­mi 3 mil­li­on düý­bü­ni ek­mek göz öňünde tu­tul­ýar. Şol na­hal­la­ryň 1,5 mil­li­on düý­bi şu ge­zek­ki ýaz­ky bag ek­mek möw­sü­min­de otur­dy­lar.
Türk­men hal­ky­nyň Mil­li Li­de­ri, Gahryman Arkadagymyz ýur­du­my­zyň eko­lo­gi­ýa aba­dan­çy­ly­gy­ny go­wu­lan­dyr­mak, to­kaý zo­lak­la­ry­ny dö­ret­mek ýa­ly il-ýurt bäh­bit­li ägirt uly iş­le­ri Arkadagly Serdarymyzyň baştutan­ly­gyn­da üs­tün­lik­li do­wam et­di­ril­ýär.

Ýy­lyň-ýy­ly­na nahal ek­mek möw­sü­mi­niň ge­çi­ril­me­gi ýur­du­my­zyň gö­zel te­bi­ga­ty­ny has gö­zel­leş­dir­ýär, eko­lo­gi­ýa aba­dan­çy­ly­gy­nyň go­wu­lan­ma­gy­na müm­kin­çi­lik ber­ýär. Ekilen na­hal­lar wag­tyň geç­me­gi bi­len gür agaç­lyk­la­ry, to­kaý zo­lak­la­ry­ny eme­le ge­tir­ýär.
To­kaý­la­ryň iň uly peý­da­sy ho­wa­ny aras­sa­la­magydyr, has dog­ru­sy ol kis­lo­rod çeş­me­si­dir. Ösüm­lik­ler fo­to­sin­tez ar­ka­ly ho­wa­dan kö­mür­tur­şy ga­zy­ny al­ýar­lar we kis­lo­ro­dy bö­lüp çy­kar­ýar­lar. Ho­wa­da 21% kis­lo­rod bolup, bu muk­da­ryň köp bölegini ösümlikler ön­dür­ýär. Şol se­bäp­li to­kaý­lar adam­lar we jan­ly-jan­dar­lar üçin te­bi­gy baý­lyk­dyr we ýa­şa­ýy­şyň mö­hüm çeş­me­si­dir. Şeý­le hem to­kaý­lar ho­wa­nyň sal­kyn­la­ma­gy­na ýar­dam ber­ýär, top­rak­da ero­zi­ýa how­pu­ny azald­ýar­lar, adam­la­ry ult­ra­me­lew­şe şöh­le­le­rin­den go­ra­ýar, su­wuň bu­gar­ma­gyny azald­ýar we agaç­lar tu­tuş dünýä üçin iý­mit çeş­me­si bolup hyzmat edýär.
Bil­şi­miz ýa­ly, her ýyl­da ýur­du­myz­da dür­li mi­we­li, sa­ýa­ly we pür­li agaç­la­ryň, ýy­lyň dowamynda gök öw­süp otur­ýan ar­ça­la­ry­ň dür­li gör­nüş­le­ri ekil­ýär. Eki­len agaç­la­ra ideg et­mek iş­le­ri hem uly dep­gin­ler bi­len al­nyp ba­ryl­ýar.
Eko­lo­gi­ýa aba­dan­çy­ly­gy­ny üp­jün et­mek, te­bi­ga­ty go­rap sak­la­mak bo­ýun­ça al­nyp ba­ryl­ýan giň ge­rim­li iş­ler­de döw­le­ti­miz iri hal­ka­ra gu­ra­ma­la­r bi­len hem iş­jeň hyz­mat­daş­lyk sak­la­ýar. Ýur­du­myz hä­zir­ki wagt­da Bir­le­şen Mil­let­ler Gu­ra­ma­sy­nyň Ösüş mak­sat­na­ma­sy we Daş­ky gur­şaw bo­ýun­ça mak­sat­na­ma­sy, Mer­ke­zi Azi­ýa­nyň Se­bit­le­ýin eko­lo­gi­ýa mer­ke­zi, Bü­tin­dün­ýä eko­lo­gi­ýa gaz­na­sy, Ara­ly ha­las et­me­giň Hal­ka­ra gaz­na­sy ýa­ly hal­ka­ra we se­bit gu­ra­ma­la­ry bi­len yzy­gi­der­li, köp­ta­rap­la­ýyn iş­jeň hyz­mat­daş­lyk sak­la­ýar. Mun­dan baş­ga-da, ýur­du­myz Bir­le­şen Mil­let­ler Gu­ra­ma­sy­nyň daş­ky gur­şa­wy go­ra­mak bo­ýun­ça kon­wen­si­ýa­la­ry­nyň hem kö­pü­si­ne go­şul­dy.
Ýur­du­myz­da güýz hem-de ýaz pa­syl­la­ryn­da na­hal­la­ry­ň köp­çü­lik­le­ýin ekil­me­gi Di­ýa­ry­my­zyň te­bi­ga­ty­nyň gö­zel­li­gi­ni art­dyr­mak bi­len bir­lik­de, onuň eko­lo­gi­ýa aba­dan­çy­ly­gy­nyň ýo­kar­lan­ma­gy­ny hem üp­jün ed­ýär. Türk­men ilin­de bag ek­mek so­gap iş ha­sap­la­nyl­ýar. Şo­ňa gö­rä-de, köp­çü­lik­le­ýin nahal ek­mek da­ba­ra­sy­na ulu­dan-ki­çä hemmeler iş­jeň gat­naş­ýar.
Ýur­du­my­zyň gel­jek ne­sil­le­ri üçin şeý­le uly ala­da­lar ed­ýän, dün­ýä­de al­nyp ba­ryl­ýan eko­lo­gi­ýa aba­dan­çy­ly­gy ug­run­da­ky iş­le­re uly go­şant goş­ýan Gahryman Arkadagymyzyň we Arkadagly Serdarymyzyň ja­ny sag bol­sun, alyp bar­ýan il-ýurt bäh­bit­li, bü­tin adam­zat äh­mi­ýet­li döw­let­li iş­le­ri he­mi­şe ro­waç­lyk­la­ra bes­len­sin.

Aý­je­ren Ha­ýy­do­wa,
Türk­men döw­let me­de­ni­ýet ins­ti­tu­ty­nyň ta­ly­by.

Gyzykly bolup bilerЕЩЕ ОТ АВТОРА