Amerikaly barlagçylar garaňkyda ýalpyldamaga ukyply, biologik taýdan dargap bilýän plastikany oýlap tapdylar. «Nature Sustainability» žurnalynda beýan edilen täze material çydamlylygy we biologik dargamak häsiýetini özünde jemläp, häzirki zaman elektronikasynda ulanmak üçin geljegi uludyr. Tehnologiýanyň syry, ýokary ýagtylyk ukybyny üpjün edýän we materialyň dargamagyny çaltlandyrýan himiki birleşme tert-butil efiriniň goşulmagydyr. Barlaglar täze polimeriň ýokary elektrolýuminesensiýa (15,1 göterim) eýedigini, bu bar bolan biologik dargap bilýän lýumessent polimerleriň görkezijilerinden 10 esse ýokarydygyny görkezdi. Hyzmat ediş möhleti gutarandan soň, material gowşak kislotaly şertlerde ýa-da 210 derejede gaýtadan işlenip bilner.
– Biz materiallary, onuň ýaramlylygyny pese gaçyrmazdan, ony biologik dargaýan we gaýtadan işlemäge ukyply etdik – diýip, taslamanyň ýolbaşçysy Sze Sýuý belledi.
Täze polimer displeýler we lukmançylyk wizulýasiýasy ýaly, häzirki zaman tehnologiýalaryndan başlap, enjamlaryň düýbünden täze nesline çenli, köp zatlarda ulanylyp bilner. Geljekde tehnologiýany jübi telefonlary we kompýuter ekranlary ýaly, elektron enjamlaryna ornaşdyrmak meýilleşdirilýär.